Qulahmet qarsylasyn qulatty

Birikken Arab ámirlikteriniń (BAÁ) Dýbaı qalasynda kásipqoı boks keshi ótti.

Osy jarysta kúsh synasqan Tursynbaı Qulahmet óreli ónerimen óz jankúıerlerin qýantty.

Jankúıerler Tursynbaıdy áýesqoı boksshy retinde jaqsy biledi. 75 kılo salmaq dárejesinde judyryqtasqan ol 2019 jyly Azııa chempıony atanyp, álem birinshiliginde qola medaldi ıelendi. Byltyr kásipqoılar arasynda kúsh synasýǵa bel býdy. Sol kezden beri eki kezdesý ótkizip, ekeýinde de jeńiske jetti.

Parsy jaǵalaýynda qandasymyz Heber Rondonmen qolǵap túıistirdi. Venesýela ókiliniń bizdiń boksshyǵa qaraǵanda tájirıbesi áldeqaıda zor. Ol osy kúnge deıin 20 ret rıngke shyǵyp, barlyq qarsylasynan basym tústi. 13 básekeni nokaýtpen aıaqtady. Soǵan qaramastan Qulahmet Rondondy birinshi raýndta uryp jyǵyp, birinshi orta salmaqtaǵy ózine tıesili WBC International nusqasy boıynsha altyn belbeýdi saqtap qaldy.

Jekpe-jekten keıin ol otandastarymyzǵa qoldaý khrsetkenderi úshin rızashylyǵyn bildirip, Instagram áleýmettik jelisindegi paraqshasy arqyly alǵys aıtty.

–Assalaýmaǵaleıkým! Alhamdýlıllıah elimniń senimin aqtap, kók týymyzdy jelbiretkenime qýanyshtymyn. Bul tek bastamasy dep oılaımyn. Quttyqtaý izgi nıetterińizge kóp rahmet!, – dedi ol.

Sol keshte Dýbaıda Janqosh Turarov ta óner kórsetýge tıis edi. Alaıda qazaq boksshysynyń koronavırýs dertine shaldyqqany anyqtalyp, bul jekpe-jek keıinge shegerildi.

Ǵalym SÚLEIMEN,

ALMATY