Jas talanttardy tanytatyn týrnır jalǵasyn tapty

26 maýsym – Halyqaralyq nashaqorlyq  jáne esirtki saýdasyna qarsy kúres kúni. Ataýly kúnge oraı  qalalyq   Almaty qalalyq Polıııa departamenti Esirtki qylmysyna qarsy  is-qımyl basqarmasy jáne Keńes odaǵynyń batyry Saǵadat Nurmaǵambetov atyndaǵy «Sagadat Batyr»  sport klýby,  Almaty qalalyq grepplıng federaııasy (AIGA), «Qazaqstan Ardagerleri» qaýymdastyǵy birlesip aýqymdy chempıonat ótkizdi. Balalar men jasóspirimder arasynda grepplıngtiń AIGA kúresi boıynsha ótkizilgen ashyq chempıonatta Almaty qalasynyń jetkinshekteri ǵana emes, Nur-Sultan qalasy, Qyzylorda, Jambyl, Pavlodar, Almaty  oblysynan da jas sportshylar qatysyp, sheberlikterin synap kórdi.

Parlament Májilisiniń depýtaty, «Qazaqstan Ardagerleri» qaýymdastyǵynyń tóraǵasy Baqytbek Smaǵul bundaı jarystardyń jıi uıymdastyrylýy jas sportshylardyń shyńdalýyna serpin beretinin aıtyp,  búgingi beldesýge túsetin sportshylardyń ishinen erteńgi Olımpıada oıyndarynyń jeńimpazy, álem chempıondarynyń ósip shyǵatynyna senim bildirdi.  Almaty qalalyq Polıııa departamenti Esirtki qylmysyna qarsy  is-qımyl basqarmasy bastyǵynyń orynbasary, polıııa podpolkovnıgi Tóleý  Marhamedov Halyqaralyq nashaqorlyq  jáne esirtki saýdasyna qarsy kúres kúnine oraı 2019 jyly da osyndaı týrnır uıymdastyrylǵanyn, qalalyq basqarma men «Sagadat Batyr»  sport klýbynyń tize qosyp uıymdastyrǵan  saıysqa qatysýshylardyń sany kóp bolǵanyn aıtty. Jyl saıyn dástúrli  túrde ótedi dep josparlanǵan shara byltyrǵy pandemııa kezinde toqtap qalǵanyn, kelesi jyly da  júlgesi úzilmeı jalǵasyn tabatynyn jetkizdi. Almaty qalalyq grepplıng federaııasynyń prezıdenti (AIGA) Aqmaral Qanatbaeva sportpen shuǵyldanyp, salaýatty ómir saltyn ustanatyn balalardyń shymyr bolatyny osy týrnırde taǵy da aıqyndalǵanyn aıtty.

Chempıonattyn uıymdastyrýshysy  «Sagadat Batyr»  sport klýbynyń jetekshisi, bilikti bapker Nursultan Orynbasarov jarystyń jyl ótken saıyn aýqymy keńeıip kele jatqany qýantady deıdi. «Jasóspirimderdiń arasynda jarystyń jıi ótkeni olardyń  kúsh-qýatynyń qanshalyqty tolysqanyn kórsetedi.  2019 jyly da esirtkige qarsy kúres kúnine oraı osyndaı chempıonatty joǵary deńgeıde ótkizdik. Bul joly da Almaty qalalyq Polıııa departamenti  Esirtki qylmysyna qarsy  is-qımyl basqarmasy tarapynan usynys túsip, biz qýana-qýana osy týrnırdi ótkizdik. Almaty qalasy grepplıng federaııasy (AIGA), «Qazaqstan Ardagerleri» qaýymdastyǵy men Almaty qalalyq deneshynyqtyrý jáne sport  basqarmasy bizdiń usynysymyzdy qýattap,  jarystyń joǵary dárejede ótýine orasan  qoldaý kórsetti. Jyldan-jylǵa jarysqa qatysýshylardyń qatary molaıyp keledi.  Bul salaýatty ómir saltyn ustaný jolynda jastardyń belsendiligi joǵary ekenin baıqatsa kerek. Adam ómirine óte qaýipti esirtki men nashaqorlyqtan aýlaq bolyp, týra joldan taımaýdy nasıhattaıtyn mundaı sharalardyń jıi ótkeni  durys. О́ıtkeni búgingi  jetkinshekterdi jasyratyny joq, ǵalamtordaǵy túrli áleýmettik jeliler men túrli oıyndar tárbıeleıdi.  Almaty qalalyq Polıııa departamenti basshylyǵy  osyndaı ıgilikti is-sharalardy ótkizip, urpaq sabaqtastyǵynyń tárbıesine kóńil bólip, nazar aýdarǵany qýantady. Esirtki qylmysyna qarsy  is-qımyl basqarmasynyń basshysy  Almaǵanbetov Erlan Dáýletuly ózi bastama kóterip, aıqymdy iske uıytqy bola bildi. Osyndaı jarystardyń jıi  ótýine qoldaý kórsetken barlyq aǵalarymyzǵa alǵys aıtamyn», dedi.

Chempıonattyń jeńimpazdary men júldegerleri uıymdastyrýshylar men demeýshilerdiń tarapynan dıplom, medal jáne syılyqtarǵa keneldi.

Almaty qalalyq Polıııa departamentiniń bastyǵy, polıııa  general-maıory Qanat Taımerdenovtiń chempıonattyń uıymdastyrýshylary men bapkerlerge bergen  Alǵys haty saltanatty túrde tabystaldy. Almaty qalalyq grepplıng federaııasynyń prezıdenti (AIGA) Qanatbaeva Aqmaralǵa,  chempıonatta ádil tóreshilik etken tóreshilerdiń ishinen  Dosjanov Oljas pen Sadyrov Damırge berildi. 220-dan astam jasóspirim sportshy qatysqan chempıonatta shákirtteri oza shaýyp, mereıin ústem etken bapkerler Kýrılev Dmıtrıı,  Balabaev Rýstam,  Qanaıbekov Dıas,  Karıev Damır,  Mýratov Antonǵa da general-maıor Q.Taımerdenovtiń Alǵys haty tabys etildi.

Qýan NURDANBEK,

ALMATY