جۇزدەن جۇيرىكتەر جۇلدە الدى

بۇگىن الماتى قالاسىنداعى قازاق سپورت جانە تۋريزم اكادەمياسىندا سپورت سالاسى بويىنشا جىل ۇزدىكتەرىن ماراپاتتاۋ ءراسىمى بولىپ ءوتتى. وسىمەن بەسىنشى جىل قاتارىنان وتكەن ءىس-شارانىڭ ماڭىزدىلىعى وراسان زور. بىرىنشىدەن، بۇل جولعى ماراپات ەل تاۋەلسىزدىگىنىڭ 30 جىلدىعىنا ارنالسا، ەكىنشىدەن، الەمدەگى ەڭ ۇزدىك وقۋ ورىنى مەن قازاق تىلىندە جارىق كورەتىن سپورت جۋرنالىنىڭ ۇيعارىمىمەن ەلىمىزدىڭ تۇكپىر-تۇكپىرىنەن شىن مىقتىلار انىقتالىپ، حالىقتىڭ اتىنان ماراپاتقا يە بولدى.

ۇلتتىق سپورتىمىزدى ۇلىقتاپ جۇرەتىن «توپجارعان» ەتنو-ونەر ورتالىعى جىگىتتەرىنىڭ تاڭداي قاقتىرار ونەرىمەن اشىلعان كەش مۇساعالي تاسقاليەۆ پەن ورىنگۇل يسماعۇلوۆانىڭ «باۋىرجان باتىر» انىنە جالعاستى. ءاندى جاندى داۋىستا اقتاۋ قالاسىنان ارنايى كەلگەن قر مادەنيەت قايراتكەرى، ماڭعىستاۋ وبلىستىق فيلارمونياسىنىڭ ءانشىسى، قاراقيا اۋدانىنىڭ قۇرمەتتى ازاماتى جولامان كوشكىنوۆ ناقىشىنا كەلتىرىپ ورىندادى.

باۋىرجان مومىش ۇلىنا ارنالعان انمەن كەش شىمىلدىعىنىڭ اشىلۋىنىڭ سەبەبى، 24 جەلتوقسان باتىردىڭ تۋعان كۇنى. ۇيىمداستىرۋشىلار وسى ارقىلى اتى اڭىزعا اينالعان تۇلعاعا قۇرمەت كورسەتتى.

كەشكە اۋىر اتلەتيكادان قازاقتان شىققان تۇڭعىش الەم چەمپيونى جاسۇلان قىدىرباەۆ جانە گرەك-ريم كۇرەسىنەن ازيا چەمپيونى، ارداگەرلەر اراسىندا الەم چەمپيونى ەربول قوڭىراتوۆ سەكىلدى قازاق سپورتىنىڭ ساڭلاقتارى قاتىسىپ، جىل ۇزدىكتەرى ولاردىڭ قولىنان ماراپاتقا يە بولدى.

سونىمەن قاتار قازاقتىڭ قاجىمۇقانى اتانعان الىپ كۇش يەسى تيمۋر سپاتاەۆ كەشكە قاتىسۋشىلارعا ءوز ونەرىن كورسەتسە، قازاق ەستراداسىنىڭ جۇلدىزدارى وكتەم التاەۆ، ەسەت سادۋاقاسوۆ جانە ەستاي الەكەەۆتەر پاتريوتتىق اندەر شىرقادى.

ەندى سىزدەردىڭ نازارلارىڭىزعا جۇزدەن جۇيرىك شىعىپ، «جىل ۇزدىگى-2021» نوميناتسياسىنىڭ جەڭىمپازدارى اتانعان دارابوزدارمەن تانىستىرا كەتەيىك:

«ۇزدىك سپورتقا جاناشىر قالا اكىمى» — جاقسىلىق ومار (وسكەمەن قالاسىنىڭ اكىمى)، «ۇزدىك سپورتقا جاناشىر اۋدان اكىمى» — ادىلكەرەي اۋەلباەۆ (اقتوبە وبلىسى، ىرعىز اۋدانىنىڭ اكىمى) جانە اسىلبەك شامەنوۆ (قىزىلوردا وبلىسى، جالاعاش اۋدانىنىڭ اكىمى).

«ۇزدىك وبلىستىق دەنە شىنىقتىرۋ جانە سپورت باسقارماسى» — الماتى وبلىستىق دەنە شىنىقتىرۋ جانە سپورت باسقارماسى (باسشىسى نۇرباقىت تەڭىزباەۆ)، «ۇزدىك اۋداندىق سپورت ءبولىمى» — قىزىلوردا وبلىسى، جاڭاقورعان اۋداندىق دەنە شىنىقتىرۋ جانە سپورت ءبولىمى (باسشىسى ماحمۋت راحىمجانوۆ)، «ۇزدىك اۋداندىق سپورت مەكتەبى» — بقو، ءبورلى اۋداندىق سپورت مەكتەبى (باسشىسى ەسەنامان ستامعازيەۆ)، «ۇزدىك سپورتقا جاناشىر مەكتەپ» — تاراز قالاسى، ى.التىنسارين اتىنداعى № 49 مەكتەپ-گيمنازيا (ديرەكتورى گۇلفيا جولداسوۆا)، «ۇزدىك سپورت مەكتەبى» — ماڭعىستاۋ وبلىستىق «جاس باتىر» سپورت مەكتەبى (باسشىسى — ماناربەك بيسەكەنوۆ)، «ۇزدىك بەلبەۋ كۇرەس فەدەراتسياسى» — قىزىلوردا وبلىستىق بەلبەۋ كۇرەس فەدەراتسياسى (پرەزيدەنتى ماديار احمەتوۆ)، «ۇزدىك ۇلتتىق قۇراما باپكەرى» — ءبىرجان يماحانوۆ (قر سامبودان ۇلتتىق قۇرامانىڭ باس باپكەرى)، «ۇزدىك سپورت كلۋب» — قر قم وسك (باسشىسى ايتالاپ قۇرعامباەۆ)، «ۇزدىك سامبو فەدەراتسياسى» — ماڭعىستاۋ وبلىستىق سامبو فەدەراتسياسى (پرەزيدەنتى بەكنۇر بالي ۇلى)، «ۇزدىك قازاق كۇرەس فەدەراتسياسى» — ماڭعىستاۋ وبلىستىق قازاق كۇرەس فەدەراتسياسى (پرەزيدەنتى اببات ورىسباەۆ)، «ۇزدىك دويبى فەدەراتسياسى» — بقو دويبى فەدەراتسياسى (پرەزيدەنتى جارقىن تاجىعاليەۆ)، «ۇزدىك بايگە فەدەراتسياسى» — بقو، كازتالوۆ اۋداندىق بايگە فەدەراتسياسى (پرەزيدەنتى نۇربولات اديەتوۆ)، «ۇزدىك مما پروموۋتەرلىك كومپانياسى» — «Turan FC» پروموۋتەرلىك كومپانياسى (پرەزيدەنتى ءالىمجان بەكتاەۆ، شىمكەنت قالاسى)، «ۇزدىك جاۋىنگەرلىك كلۋب» — «الاش پرايد تۇركىستان» كلۋبى (پرەزيدەنتى مۇرات احانوۆ)، «ۇزدىك سپورت مەكتەبى» — جەكپە-جەك سپورت تۇرلەرىنەن ورمبجم (ديرەكتورى اباي باكمانوۆ، بقو) جانە «سۇلتان گۇلدالا» سپورت مەكتەبى (ديرەكتورى سۇلتانمۇرات ساسيكوۆ، تالعار قالاسى)، «ۇزدىك ۇلتتىق سپورت جاناشىرى» — «Qazaq Golden Steed» جشس (پرەزيدەنتى ەرتىلەۋ ساتىبالديەۆ) جانە مۇرات قوزىباەۆ (الماتى وبلىسى) پەن قۇرمانبەك احمەتوۆ (قىزىلوردا وبلىسى، جاڭاقورعان اۋدانى)، «ۇزدىك ۇلتتىق سپورتقا جاناشىر ورتالىق» — «توپجارعان» ەتنو-ونەر ورتالىعى (جەتەكشىسى عابيت تاڭاتوۆ)، «ۇزدىك ارداگەر سپورتشى» — مارال كوشەنوۆ (اتىراۋ قالاسى) جانە يگور زادنەپرياننىي (قوستاناي وبلىسى)، «ۇزدىك بالالار-جاسوسپىرىمدەر كلۋبى» — جىلىوي دشك (باسشىسى ايبەك التاەۆ، اتىراۋ وبلىسى)، «ۇزدىك بەلبەۋ كۇرەس بالۋانى» — بەكبول نۇرلان ۇلى (اقمولا وبلىسى) جانە مەرەكە قۇدايبەرگەنوۆا (قىزىلوردا وبلىسى، جاڭاقورعان اۋدانى)، «ۇزدىك بەلبەۋ كۇرەس باپكەرى» — نۇرلان ماۋلەن (اقمولا وبلىسى) جانە ءابدىساتتار سادىقوۆ (قىزىلوردا وبلىسى، جاڭاقورعان اۋدانى)، «ۇزدىك اتبەگى» — نۇرجىگىت تابىلديەۆ (الماتى وبلىسى)، «ۇزدىك سامبو سپورتشىسى» — گۇلدانا المۇحامبەتوۆا (ماڭعىستاۋ وبلىسى)، «ۇزدىك سامبو كۇرەس باپكەرى» — بەرىك جۇماعاليەۆ (ماڭعىستاۋ وبلىسى)، «ۇزدىك قازاق كۇرەس بالۋانى» — نۇرداۋلەت جارىلعاپوۆ (ماڭعىستاۋ وبلىسى)، «ۇزدىك ترياتلون سپورتشىسى» — مارات ورازاليەۆ (اتىراۋ وبلىسى)، «ۇزدىك تورەشى» — نۇرلان قۇرمانعازين (اقتوبە وبلىسى)، «ۇزدىك قۇسبەگى» — قۋانىش يسابەكوۆ (الماتى وبلىسى)، «ۇزدىك ارمرەستلينگ سپورتشىسى» — قىدىرعالي وڭعارباەۆ (تۇركىستان وبلىسى، شاردارا اۋدانى)، «ۇزدىك دزيۋدو سپورتشىسى» — الماس اتاەۆ (شقو)، «ۇزدىك جەكپە-جەك سپورتشىسى» — تيمۋر ورازوۆ (شقو)، «ۇزدىك جاس مۋايتاي سپورتشىسى» — يۋسۋف مۇحتاسيپ (الماتى وبلىسى)، «ۇزدىك مۋايتاي باپكەرى» — باعىتجان مۇحامبەتاليەۆ (الماتى وبلىسى)، «ۇزدىك جاس شاباندوز» — اڭسار ارىستانبەك (الماتى وبلىسى)، «ۇزدىك جاس مما سپورتشىسى» — تۇرسىن نۇرجىگىت (الماتى وبلىسى)، «ۇزدىك كاراتە-شوتوكان سپورتشىسى» — اياجان عانيقىزى جانە اراي سمەت (ەكەۋى دە جامبىل وبلىسى)، «ۇزدىك كاراتە-شوتوكان باپكەرى» — باعلان قۇلباەۆ (جامبىل وبلىسى)، «ۇزدىك سپورت ءجۋرناليسى» — قايرات ءابىلدا («ەگەمەن قازاقستان» گازەتىنىڭ قاراعاندى وبلىسى بويىنشا مەنشىكتى ءتىلشىسى)، «ۇزدىك ءباسپاسوز حاتشىسى» — ارداق توعىم (قاجىمۇقان مۇڭايتپاسوۆ اتىنداعى وليمپيادا رەزەرۆىنىڭ مامانداندىرىلعان رەسپۋبليكالىق مەكتەپ-ينتەرنات كوللەدجىنىڭ ءباسپاسوز حاتشىسى، نۇر-سۇلتان قالاسى)، «ۇزدىك يۋتۋب ارناسى» — «ارالاس جەكپە-جەك» ارناسى (الماتى قالاسى)، «ۇزدىك سپورت ادىسكەرى» — ساكەن كىرجىباەۆ (شقو، اياگوز اۋدانى)، «ۇزدىك دەنە شىنىقتىرۋ ءپانى مۇعالىمى» — سەرىك قوجامباەۆ (شقو)، اتلاس مۇحتار (اقتوبە وبلىسى)، ايدىن پرماحانبەتوۆ (جامبىل وبلىسى)، سانات قايىروۆ (الماتى قالاسى)، كابۋلجان ەگامبەرديەۆ (تۇركىستان وبلىسى)، «ۇزدىك سپورتشى ۇستاز» — بايقابىل جولدىباەۆ (اقتوبە قالاسى، فيزيكا-ماتەماتيكا ءپانى مۇعالىمى).

سونىمەن قاتار اركەز سپورتقا قولداۋ كورسەتىپ، اۋىلداردا سپورت كەشەندەرىن سالىپ، جارىستار وتكىزىپ، اۋىل سپورتشىلارىنا قارجىلاي دەمەۋشىلىك تانىتىپ جۇرگەن ءبىر توپ ازامات «ۇزدىك سپورت جاناشىرى» نوميناتسياسىنىڭ جەڭىمپازى اتاندى. ولار: ايتباي كوشەرباي ۇلى (قىزىلوردا وبلىسى، قازالى اۋدانى)، رۇستەم مۇقاتوۆ (الماتى قالاسى)، ايدوس اقجانوۆ (ماڭعىستاۋ وبلىسى)، بايمۇحامەد قوزىباەۆ، باۋىرجان كوپەەۆ، سامات جۇمبەكوۆ (ۇشەۋى دە قىزىلوردا وبلىسى، شيەلى اۋدانى)، تالعات يسقاقوۆ، بولاتبەك بالعاباەۆ، باقىت بەردىللاەۆ، گۇلجاينا رىسباەۆا، مەيىربەك ۇسەنوۆ (بەسەۋى دە قىزىلوردا وبلىسى، جاڭاقورعان اۋدانى) جانە سەيلحان ابدىقادىروۆ (ماڭعىستاۋ وبلىسى).

كەش بارىسىندا بۇدان بولەك ەسىمى ەلگە بەلگىلى سپورت كوممەنتاتورى ەرجان مۇقاش حالىقارالىق جۋرناليستەر وداعىنىڭ مۇشەلىگى كۋالىگى مەن توسبەلگىسىنە يە بولسا، ۇزاق جىل سەمەي وڭىرىندە باسشىلىق قىزمەتتەر اتقارعان ءاشىم جوبۋلاەۆ اعامىز بەن گرەك-ريم كۇرەسىنەن ازيا چەمپيونى، ارداگەرلەر اراسىندا الەم چەمپيونى ەربول قوڭىراتوۆتىڭ اناسى كۇلجانات نيازبەكقىزى اپامىز جانە باسقا دا قازاق سپورتىنىڭ دامۋىنا ءوز ۇلەسىن قوسىپ جۇرگەن ازاماتتار ارنايى ماراپاتقا يە بولدى.

وسىلايشا ەلىمىزدىڭ تۇكپىر-تۇكپىرىنەن جينالعان ارداقتى ازاماتتار تاۋەلسىزدىكتىڭ 30 جىلدىعىنا وراي ەل ءۇشىن اتقارىپ جۇرگەن ەڭبەكتەرىنىڭ جەمىسىن كورىپ، ءبىر مارقايىپ قالدى. جۇزدەن جۇيرىك شىققانداردىڭ بارلىعى وسى ءىس-شارانى بەس جىل قاتارىنان وتكىزىپ، ەلدىڭ العىسىنا بولەنىپ جۇرگەن قازاق سپورت جانە تۋريزم اكادەمياسى مەن «سپورت جۇلدىزدارى» رەسپۋبليكالىق جۋرنالىنىڭ ۇجىمىنا ريزاشىلىقتارىن ءبىلدىرىپ، العىستارىن جاۋدىردى.

«التىن دەگەن جەر سىيى،

العىس دەگەن ەل سىيى»، — دەيدى دانا حالقىمىز. كوپ تىلەگى قابىل بولىپ، جاقسى كۇندەرىمىز كوپ بولسىن اعايىن! قازاق سپورتىنىڭ الار اسۋى بۇدان دا بيىك بولسىن! بارلىق ماراپاتقا يە بولعان ۇزدىكتەردى شىن جۇرەكتەن قۇتتىقتايمىز! كەلەسى ماراپات سىزدەرگە اقوردا تورىنەن بۇيىرسىن!

 

جاندوس ايانبەك ۇلى

 الماتى