كەنەن اۋىلىندا وتكەن كەلىستى تۋرنير

«اۋىلىلىم التىن بەسىگىم»، دەمەكشى، اۋىلىلعا بارىپ، تۋعان-تۋىس، ەل-جۇرتپەن قاۋىشىپ قايتقاندا العان اسەردى اۋىلدا تۋىپ-وسكەن جان عانا بىلەتىن شىعار.

كەشە اللا ءساتىن سالىپ تۋىپ-وسكەن كەنەن اۋىلىنا جول ءتۇسىپ بارىپ قايتقان ەدىم. قاسيەتتى قارا شاڭىراعىما باس سۇعىپ، اكەم مەن انام تۇرعان كيەلى ءۇيدىڭ ءاربىر زاتىن سيپالاپ باقيلىق ساپارعا كەتكەن اتا-انامدى ساعىنا ەسكە الدىم. سوسىن بەسىن نامازىمدى وقىپ، كىندىك قانىم تامعان قارا شاڭىراعىمنىڭ بەرەكەسى ۇيىپ تۇرۋىنا دۇعا تىلەدىم. ءيا، اركىمنىڭ دە تۋعان اۋىلى، تۋعان ءۇيى ىستىق قوي. ءومىردىڭ سوقپاق جولدارىمەن كوش ۇزاپ كەتكەن ادامدار اۋىلىن، ەلىن وسكەن ورتاسىن ەشقاشان ۇمىتپايدى. مەن ءۇشىن قايدا جۇرسەم دە اۋىلىم، ەل جۇرتىم، تۋعان ءۇيىم، جارىق دۇنيەگە اكەلگەن اكە-شەشەمنىڭ ورنى ەرەك. ولار ماڭگىلىك جۇرەگىمدە. تامىرىمىز اۋىلدان تاراۋ العاندىقتان اۋىل ءومىرىمنىڭ ءمانى ءارى ءسانى.

حوش، اعايىن اۋىل جايلى تەربەنىپ كەتسەم كەشىرىم سۇراپ، ساپار جايلى اڭگىمەنى جالعاستىرايىن. اۋىلعا نەگىزى كەلگەن ەكى سەبەپتىڭ ءبىرى تاي ق ۇلىنداي بىرگە وسكەن قۇرداسىم ايدار بۇرباەۆتىڭ بيىل ءتىرى بولسا 100 جاسقا كەلەتىن مارقۇم اكەسى مەن شەشەسىنە اس بەرىپ، ات شاپتىرعان شاراسى بولسا، ەكىنشى سەبەبىم اۋىل تورىندە سۋ جاڭا ستاديون سالىنىپ، سونىڭ سالتانتتى اشىلۋ شاراسى ەدى. بۇل ەكى جاعدايدا اۋىل تۇرعىندارى مەن قوناقتارعا ۇلكەن مەرەكەلىك كوڭىل-كۇي تارتۋ ەتتى. مەن بىرگە وسكەن دوسىمنىڭ اتا-اناسىنا بەرگەن اسىنا قاتىسىپ شىققاننان كەيىن، ورتالىقتا جاڭا ستاديوننىڭ قۇرمەتىنە ۇيىمداستىرىلعان دوپ دوداسىن بارىپ تاماشالادىم.

جارىسقا قورداي اۋدانى بويىنشا 10 كوماندا كەلىپ قاتىستى. ءۇش توپقا ءبولىنىپ، جەڭىس ءۇشىن جان اياماي تارتىستى ويىن كورسەتكەندەر كۇن ەڭكەيە بارىپ جەڭىمپازداردى انىقتايتىن كەزگە كەلىپ جەتتى. نەگىزى اۋىل فۋتبولىندا ونەر كورسەتىپ جۇرگەن تالانتتى جاستاردىڭ كوپتەپ ءوسىپ كەلە جاتقانىنا ەرەكشە ريزا بولاسىڭ. قازىرگى تاڭدا كىشى مەن ۇلكەن فۋتبولدا ەل نامىسىن قورعايتىن ويىنشىلاردىڭ اراسىندا قاراكوز جاستارىمىزدىڭ قاتارى كوبەيىپ بارا جاتقانىنا قۋانامىز. سول ۇلتتىق قۇرامنىڭ جەيدەسىن كيەتىن قازاق ويىنشالارى وسى اۋىل سپورتىنان قانات جايىپ جاتقانىنىن ۇمىتپاعان ابزال. ەندەشە، اۋىل سپورتىنا كوڭىل ءدال وسىنداي وڭىرلەردە ستاديون، سپورت مەكتەپتەرى اشىلىپ، كوپ كوڭىل بولىنە تۇسكەندە عانا جەمىسىن كورەمىز. سوندىقتان دا كەنەن اۋىلىندا سالىنعان سۋ جاڭا ستاديون سول ايتقان ءسوزىمنىڭ ايعاعى. «تاۋ بالاسى تاۋعا قاراپ وسەدى»، دەمەكشى قىرعىز-قازاققا ايگىلى اقىن كومپوزيتور كەنەن ازىرباەۆتىڭ اۋىلىنىڭ جاستارىنىڭ ەكىنىڭ ءبىرى ونەرلى. سپورت دەسە ىشكەن اسىن جەرگە قويىپ، اسىرەسە، فۋتبولدان اۋدان بىرىنشىلىكتەرىنە توپ جارىپ جەڭىسپەن جەلپىنتىپ اۋىلىنىڭ ماقتانىشتارى بولىپ ءجۇر. ال، اۋىل تورىنە ورىن العان ەكەيباي قاشاعانوۆ اتىنداعى ورتا مەكتەپتە دەنە تاربيەسىنەن ساباق بەرەتىن ايدار تۇرعانقۇلوۆتىڭ جاس ورەندەردى دايىنداۋدا ەڭبەگى وتە زور. وسى ءدۇبىرلى ءتۋرنيردى ۇيىمداستىرۋدا شاپقىلاپ جوقتان باردى تاۋىپ جاساپ وتكىزگەن ايدارعا قاتىسۋشىلاردىڭ راحمەتى ەرەكشە بولىپ جاتتى.

سونىمەن، فينالعا «ا» توبىنان وسى جارىستا بارلىق كوماندالاردى اسقان باسىمدىلىقپەن جەڭىپ شىققان، اراسىندا شەبەرلىگىنە جان سۇيسىنەر ويىن كورسەتكەن ءۋالي، ايانعالي سەكىلدى اۋىل فۋبولىنىڭ ماقتانىشتارى بار كەنەن اۋىلىنىڭ كومانداسى فينالعا شىقتى. ال ەكىنشى توپتان قورداي اۋدانىنىڭ كومانداسى  ءوزىنىڭ جەڭىسكە لايىقتى جاساق ەكەنىن جاقسى ويىندارى ارقىلى كورسەتىپ، سوڭعى ويىنعا جولداما الدى. وسىلاي تارتىسقا تولى وتكەن فينالدىق كەزدەسۋدە گول سوعىلماي، جەڭىمپاز كوماندا پەنالتي سەرياسى ارقىلى انىقتالاتىن بولدى. پەنالتي نەگىزى قاقپاشىلاردىڭ شەبەرلىگى سىنعا تۇسەتىن ءسات ەكەنى بەلگىلى. بۇل باسەكەدە كەنەن اۋىلىنىڭ قاقپاشىسى ايبەك ءۇش سوققىنىڭ ەكەۋىن قايتارىپ كومانداسىن جەڭىسكە جەتكىزدى. وسىلايشا كەنەن اۋىلىنىڭ كومانداسى باس جۇلدەنى جەڭىپ الدى. ال، ءۇشىنشى ورىندى وتار كومانداسى يەلەندى. جارىستىڭ سوڭىندا جەڭىمپازدار مەن جۇلدەگەرلەر ۇيىمداستىرۋشىلاردىڭ باعالى سىي-قۇرمەتتەرىمەن ماراپاتتالدى. ءتۋرنيردىڭ ۇزدىك ويىنشىسى، ۇزدىك قورعاۋشىسى، ۇزدىك قاقپاشىسى-دەگەن ماراپاتتاردا ءوز يەلەرىن تاۋىپ سالتاناتپەن تابىس ەتىلدى. وسىلايشا جاقسى كوڭىل كۇيدە ۇيىمداستىرىلعان تارتىمدى تۋرنير شەگىنە جەتىپ،قاتىسۋشىلار ەستەلىككە سۋرەتكە ءتۇسىپ جاتتى. اۋىل فۋتبولىنىڭ دامۋىنا ۇلەسىن قوسىپ جاتقان، وسىنداي كوزىندە وتى بار، نامىسى زور دارىندا جاستاردىڭ ءوسىپ كەلە جاتقانىنا ۇلكەن ريزا بولىپ، ءبىز دە تارقاستىق.

اقىن ورداباي ۇلى،

الماتى