Qazaq samboshylarynan álem chempıonatyna kimder barady?

11 – 13 qarasha kúnderi Qyrǵyz Respýblıkasynyń astanasy Bishkek qalasynda sambodan eresekter arasyndaǵy álem chempıonaty ótedi. Onda 21 salmaqta (erler 7, áıelder 7, erler jaýyngerlik sambodan 7) chempıon anyqtalady. Jarystyń jalpy júlde qory – 231 myń AQSh dollary. Chempıonǵa 4 myń, kúmis júldegerge 3 myń, al qola medaldiń ıegerine 20 myń AQSh dollarynan beriledi.

Ulttyq qurama sapynda erler arasynda bolatyn beldesýlerge Qaıyrberdi Aıdynbaı, Arnur Qýataı, Esentaı Imahanov, Márlen Janǵabyl, Elaman Qoıshybaev, Alıbek Zekenov, Temirlan Kólbaı qatysady.

Áıelder arasyndaǵy kúreste Margarıta Bajaeva, Gúldana Álmuhanbetova, Ajar Salyqova, Marjan Bızaq, Dildash Kuryshbaeva, Araılym Ábenova, Azman Amaeva kilemge shyǵady.

Jaýyngerlik sambo jarysynda Mıras Ýálıev, Ádilbek Seıisov, Asylbek Smaıylov, Áset Anarbaev, Mádı Raıhan, Aıbek Sametaev, Talǵat Jıentaev kúsh synasady.

Erler quramasynyń bas jattyqtyrýshysy – Birjan Imahanov, al áıelder quramasynyń bas jattyqtyrýshysy – Quralbaı Orynbasar.

Byltyrǵy álem chempıonaty 12-14 qarasha kúnderi О́zbekstannyń astanasy Tashkent qalasynda ótken bolatyn. Bul jarysqa 50-ge jýyq eldiń sportshysy kelip, qatysty. Onda Qazaqstan quramasy jalpykomandalyq esepte 2 altyn, 3 kúmis jáne 4 qola medalmen Reseıden keıin ekinshi oryn alǵan.

Atap aıtqanda, áıelder quramasy – ekinshi (bir altyn medal, eki kúmis júlde), erler quramasy – tórtinshi (bir altyn júlde, eki qola medal), jaýyngerlik sambo quramasy – tórtinshi (bir kúmis medal, eki qola júlde) orynnan kórindi.

Dastan KENJALIN,

ASTANA