SportPress.kz قازاقستان سپورت جاڭالىقتارى
قازاقستان ۇلتتىق قۇراماسىنىڭ قاقپاشىسى داۆيد لوريا رۋمىنيا مەن ارمەنيا قۇرامالارىنا قارسى ويىن تۋرالى ويىن ايتتى.
— ەڭ الدىمەن جەڭىسكە دەگەن قۇلشىنىسىمىز بولۋ كەرەك. قارسىلاستارىمىزدىڭ قارىمىنان جاسقانباي، ءوز جوسپارىمىزدى تولىعىمەن ىسكە اسىرۋدى ويلاعانىمىز ءجون.
– الداعى ەكى ويىننىڭ قايسىسى ماڭىزدىراق دەپ ويلايسىز؟
– بۇل جەردە ناقتى مىنا كوماندانى عانا ۇتۋ كەرەك دەگەن وي بولماۋى كەرەك. جاسىل الاڭعا شىققاننان كەيىن كەز-كەلگەن ۇجىمدى جەڭۋدى عانا ويلايمىز. ءبىزدى الدا قيىن ەكى ويىن كۇتىپ تۇر. ال رۋمىنيانىڭ جاقىندا جاڭا باس باپكەرى تاعايىندالدى. سوندىقتان ولار ءبىزدى جەڭۋ ءۇشىن ءبارىن جاسايدى دەپ ويلايمىن. ءبىز سىرت جاقتا دا، ءوز ەلىمىزدە دە ۇپاي الۋدى ماقسات ەتۋىمىز كەرەك.
– ارمەنيا قۇراماسىمەن بىرنەشە رەت كەزدەستىك. سىزگە ارمياندارعا قارسى ويىن قانداي اسەر قالدىرىپ وتىر؟
– ارمەنياعا قارسى ويىن ەشقاشان وڭاي بولعان ەمەس. ولاردا مىقتى ويىنشىلار جينالعان. ءبىزدى بۇل جولى دا تارتىسقا تولى كەزدەسۋ كۇتىپ تۇرعانى انىق. بىراق جانكۇيەرىمىزدىڭ قولداۋىنان ءۇمىت كۇتەمىز. ولاردىڭ قولداۋى بىزگە ەرەكشە كۇش بەرەدى.
– ۇلتتىق قۇرامانىڭ ءبىر ويىنىن ەلىمىزدىڭ وزگە قالالارىندا وتكىزگىڭىز كەلە مە؟
– بۇل سۇراق ماعان ارنالماعان سياقتى. ال ءوز باسىم قاي جەردە بولسىن ونەر كورسەتۋگە دايىنمىن. بىزگە قاي جەردە وينا دەسە، سول جەردە وينايمىز.
