SportPress.kz Qazaqstan sport jańalyqtary
Qazaqstan ulttyq quramasynyń qaqpashysy Davıd Lorııa Rýmynııa men Armenııa quramalaryna qarsy oıyn týraly oıyn aıtty.
— Eń aldymen jeńiske degen qulshynysymyz bolý kerek. Qarsylastarymyzdyń qarymynan jasqanbaı, óz josparymyzdy tolyǵymen iske asyrýdy oılaǵanymyz jón.
– Aldaǵy eki oıynnyń qaısysy mańyzdyraq dep oılaısyz?
– Bul jerde naqty myna komandany ǵana utý kerek degen oı bolmaýy kerek. Jasyl alańǵa shyqqannan keıin kez-kelgen ujymdy jeńýdi ǵana oılaımyz. Bizdi alda qıyn eki oıyn kútip tur. Al Rýmynııanyń jaqynda jańa bas bapkeri taǵaıyndaldy. Sondyqtan olar bizdi jeńý úshin bárin jasaıdy dep oılaımyn. Biz syrt jaqta da, óz elimizde de upaı alýdy maqsat etýimiz kerek.
– Armenııa quramasymen birneshe ret kezdestik. Sizge armıandarǵa qarsy oıyn qandaı áser qaldyryp otyr?
– Armenııaǵa qarsy oıyn eshqashan ońaı bolǵan emes. Olarda myqty oıynshylar jınalǵan. Bizdi bul joly da tartysqa toly kezdesý kútip turǵany anyq. Biraq jankúıerimizdiń qoldaýynan úmit kútemiz. Olardyń qoldaýy bizge erekshe kúsh beredi.
– Ulttyq quramanyń bir oıynyn elimizdiń ózge qalalarynda ótkizgińiz kele me?
– Bul suraq maǵan arnalmaǵan sııaqty. Al óz basym qaı jerde bolsyn óner kórsetýge daıynmyn. Bizge qaı jerde oına dese, sol jerde oınaımyz.
