Iýlııa Mıasnıkova: «Kúıeýimniń qazaq bolǵanyn qalaımyn»

Fýtboldan Qazaqstan ulttyq qurama komandasy men Máskeýdiń SKA klýbynyń shabýylshysy Iýlııa Mıasnıkova osylaı dep aıtty

— Iýlııa, Reseıde dop teýip júrgen sanaýly qazaqstandyqtyń birisiń. Mundaǵy fýtbol deńgeıi qandaı?

— Árıne, Reseıde qyzdardyń fýtbol lıgasynyń deńgeıi basqasha. Biz byltyr chempıon boldyq. Alaıda, munda báseke óte kúshti. Mysaly, Qazaqstanda 1-2 klýb qana deńgeıles. Qalǵanynyń dárejesi de, deńgeıi de tómen.

— SKA komandasynda oınaǵandyqtan erler klýbynyń oıynyn tamashalap turatyn shyǵarsyń.

— Álbette, biz barlyǵymyz bir klýbpyz. Jalaýymyz da, kıip júrgen jeıdemiz de bir. Jattyǵatyn jerimiz de túbi bir bolatyn sııaqty. Erler komandasynda bizdiń jerlesimiz Baqtıer Zaınýtdınov oınaıdy.

— Siz onyń oıyndaryn kórip júrseńiz, bir-birińizben jaqsy aralasatyn shyǵarsyz?

— Árıne. Jattyǵý kezinde, alań syrtynda da kórip turamyn. Sonshalyqty jıi kezdespesek te, baılanys úzbeımiz. Qansha degenmen Qazaqstannan bolǵandyqtan, bir-birimizdi jyly tartamyz.

— Bas jattyqtyrýshy Grıgorıan myrzamen sóılestim. Ol kisi seni erekshe maqtady. Qaraǵandylyq bolǵandyqtan, kenshilerge tán minez bar deıdi.

— Jattyqtyrýshyǵa bári syrttan kórinip turady ǵoı. Men qazir qaptalda oınaımyn. Kóbinese qorǵanysqa jaýap beremin. Arakidik ózge de pozıııalardy júremin. Baqtıer Zaınýtdınov — ámbebap fýtbolshy. Kez kelgen jerde oınaıdy. Mende sol sekildi naǵyz kásipqoı fýtbolshy bolýǵa tyrysyp júrmin.

— Elvıra Todýa Reseı quramasynyń negizgi qaqpashysy: «Iýlııa óte sheber oıynshy» dep maqtaý sóz aıtty. Onyń SKA oıynyna qandaı áseri bar?

— Elvıra Zýrabqyzy óte tájirıbıeli adam. Onyń orny erekshe. Komandany ustap turatyn 2-3 adam bolsa, sonyń biri der edim. Ol men jaıly jaqsy pikirde ekenin baıqadym. Búkil qaptal boıynsha júgirip, talmaı eńbek etip, qorǵanysta qate jibermesem maqtamasyna amal joq.

— Qyzdardyń fýtbolshy bolǵany áli de birtúrli bolyp sanalatyndaı kórinedi. Olardyń turmys quryp, ana bolýǵa talpynysy joq pa?

— Bizdiń komandada 3-4 fýtbolshynyń bala-shaǵasy, kúıeýi bar. Olardyń birazy fýtbolshylarǵa turmysqa shyqqan. Bala týyp bolǵan soń 2 jyldan keıin qaıtadan fýtbolǵa kelgenderi de joq emes. Al men jeke ómirime keletin bolsam, ázirge unatyp júrgen jigitim joq. Kúnde tańerteń jattyǵýǵa ketemin. Sosyn, úıge baryp túski as ishemin. Bir saǵat uıyqtap alamyn da, keshki jattyǵýǵa qaıta baramyn. Odan keıin úıge baryp jýynyp, tamaq pisirip júrgende kesh batady. Al ertesine tańǵy 8-de qaıtadan jattyǵýǵa barýym kerek. Osylaı kúnde qaıtalanady. Osynyń ortasynan ýaqyt taýyp adamdarmen sóılesýdiń ózi qıyn. Negizi jigitim qazaqstandyq bolǵanyn qalaımyn.

— Áńgimeńe rahmet!

Áńgimelesken Ermuhamed MÁÝLEN

Máskeý,

Reseı Federaııasy