Бахтиер Зайнутдинов 6 млн еуроға «Аталантаға» ауысуы мүмкін

Италияның «Атланта» клубы Қазақстанның ұлттық құрама командасы мен Мәскеудің ЦСКА клубының жартылай қорғаушысы Бахтиер Зайнутдиновке қызығушылық танытып отыр.

Бергамо қаласының командасының скауты отандасымызды сырттай бақылап жүрген көрінеді. Бұл туралы итальян журналисі Николо Скира хабарлады.

Сонымен бірге, ЦСКА Зайнутдинов үшін бес-алты млн еуро сұрап отырғаны да белгілі болды.

24 жастағы Зайнутдинов Мәскеу командасында 2020 жылдан бері ойнап келеді. РПЛ-дің биылғы маусымында ол 13 матч ойнады.  Ресейде Бахтиер «Ростов» үшін, ал Қазақстанда «Тараз» бен «Астанада» доп тепкен.  Ал «Аталанта» клубы «А» сериясында 12 матчта 27 ұпай жинап,  турнир кестесінде екінші орында келеді.

Дастан КЕНЖАЛИН,

АСТАНА