Азия чемпионаты: Назым Қызайбай ширек финалға шықты

Иорданияның Амман қаласында бокстан өтіп жатқан Азия чемпионатында Назым Қызайбай ширек финалға шықты.

Екі дүркін әлем чемпионы 50 келіге дейінгі салмақта таиландтық Раксат Чутхаматпен кездесті.

Кездесуде жекпе-жек өте тартысты өтіп, төрешілер жеңісті 3:2 есебімен Назым Қызайбайға берді.

Одан басқа Азия чемпионатында әйелдер арасында Алуа Балқыбекова (48 кг), Жазира Орақбаева (52 кг), Жайна Шекербекова (54 кг), Карина Ибрагимова (57 кг), Римма Волосенко (60 кг), Аида Әбікеева (63 кг), Мәдина Нұршаева (66 кг), Дариға Шәкімова (70 кг), Валентина Хальзова (75 кг), Гүлсая Ержан (81 кг) және Ләззат Күнгейбаева (+81 кг) ел намысын қорғайды.

Дастан КЕНЖАЛИН,

АСТАНА