Álem kýbogy: jeti boksshy jeńip, jeteýi jeńildi

Germanııanyń Keln qalasynda bokstan eresekter arasynda ótip jatqan Álem kýbogy úshin halyqaralyq týrnırdiń ekinshi kúni Qazaqstan qurama komandasynyń jeti boksshysy kelesi aınalymǵa shyǵyp, jeteýi qarsylastaryna ese jiberdi.

Erler arasynda jartylaı fınalǵa Kenje Muratuly (51 kg), Abzal Quttybekov (92 kg), Nurjan Amangeldi (71 kg) men Nurlan Saparbaı (+92 kg) shyqty. Al Qaırat Ernur (51 kg), Sultan Mýsınov (63,5 kg), Armat Armanuly men Ermahan Jaqpekov (ekeýi de 71 kg), Jánibek Qartbaev (80 kg), Mádı Ámirov (92 kg) jaryspen qosh aıtysty.

Áıelder arasynda Sánııa Sultanqyzy (57 kg), Nazym Iщanova (60 kg) men Anastasııa Baıazıtova (75 kg) jeńiske jetse, Maqpal Erbolatqyzy (75 g) úshin de Álem kýbogy aıaqtaldy.

Búgin jartylaı fınaldyq jekpe-jekter bastalady.

Dastan KENJALIN,

ASTANA