Mánerlep syrǵanaýshylar Bolgarııadaǵy týrnırde sátti óner kórsetti

Búgin Bolgarııa astanasy Sofııada mánerlep syrǵanaýdan eki dúrkin álem chempıony Albena Denkova men Maksım Stavıskı atyndaǵy H halyqaralyq týrnır aıaqtaldy.

Erler arasynda qazaqstandyq Dıas Jırenbaev 186.84 upaı jınap, qola júldegeri atansa, áıelder saıysynda Bagdana Rahıshova 5-shi (137.46 upaı), Iasmın Tekık 6-orynǵa (130.24 ball) turaqtady. Al jasóspirim qyzdar arasynda Amına Shálimbekova 6-satydan kórindi. Onyń enshisinde 115.19 upaı bar.

Sondaı-aq 1-razrıadtaǵy mánerlep syrǵanaýshylar jarysynda Ekaterına Balıýba kúmis medaldi jeńip aldy.

Jyl saıyn munda 10-nan astam eldiń jas sportshylary kelip, óz sheberlikterin shyńdaýǵa múmkindik alady. Denkova men Stavıskı Kýbogy Halyqaralyq konkıshiler odaǵynyń (ISU) Challenger serııasyna kiredi, 2012 jyldan beri turaqty uıymdastyrylady.

Dastan KENJALIN,

ASTANA