قازاقستان قۇراماسى الەم كۋبوگىندا ەكى جۇلدە الدى

بۇگىن سەمسەرلەسۋدەن قازاقستان قىزدار قۇراماسى جاسوسپىرىمدەر اراسىنداعى الەم كۋبوگىندا ۇزدىك ۇشتىكتى تۇيىندەدى.

باسەكەنىڭ سوڭعى، 2-كۇنى كوماندالار ءوزارا كىم مىقتىنى انىقتادى. قايشا جانىبەك، ديليارا يسابەكوۆا، پولينا كو مەن ادەمى سەرىكبايدان قۇرالعان ۇلتتىق قۇراما گرۋزيانى 45:17 ەسەبىمەن ۇتىپ، شيرەك فينالعا جولداما الدى. الايدا وندا وزبەكستاننان كەلگەن قۇربىلارىنا ەسە جىبەردى. ال قولا مەدال ءۇشىن بولعان كەزدەسۋدە بولگاريادان 45:37 ەسەبىمەن باسىم ءتۇستى.

كوماندالىق تۋرنيرگە قازاقستان، وڭتۇستىك كورەيا، تۇركيا، گرۋزيا، بولگاريا مەن وزبەكستان قاتىستى.

كەشە ادەمى سەرىكباي جەكەلەي سىندا قولا جۇلدەگە يە بولعان. بۇل ءدال سەمسەرلەسۋدەن ءجاسوسپىرىم قىزدار اراسىنداعى قازاقستاننىڭ العاشقى جۇلدەسى. جالپى، ەلىمىزدە ءبىرىنشى رەت ۇيىمداستىرىلعان الەم كۋبوگىنا 10 ەلدىڭ 50 سپورتشىسى قاتىستى.

داستان كەنجالين،

استانا