Qazaqstan quramasy Álem kýbogynda eki júlde aldy

Búgin semserlesýden Qazaqstan qyzdar quramasy jasóspirimder arasyndaǵy Álem kýbogynda úzdik úshtikti túıindedi.

Básekeniń sońǵy, 2-kúni komandalar ózara kim myqtyny anyqtady. Qaısha Jánibek, Dılıara Isabekova, Polına Ko men Ádemi Serikbaıdan quralǵan ulttyq qurama Grýzııany 45:17 esebimen utyp, shırek fınalǵa joldama aldy. Alaıda onda О́zbekstannan kelgen qurbylaryna ese jiberdi. Al qola medal úshin bolǵan kezdesýde Bolgarııadan 45:37 esebimen basym tústi.

Komandalyq týrnırge Qazaqstan, Ońtústik Koreıa, Túrkııa, Grýzııa, Bolgarııa men О́zbekstan qatysty.

Keshe Ádemi Serikbaı jekeleı synda qola júldege ıe bolǵan. Bul dál semserlesýden jasóspirim qyzdar arasyndaǵy Qazaqstannyń alǵashqy júldesi. Jalpy, elimizde birinshi ret uıymdastyrylǵan Álem kýbogyna 10 eldiń 50 sportshysy qatysty.

Dastan KENJALIN,

ASTANA