Abzal Ájǵalıev Solt-Leık-Sıtıde kúmis júlde aldy

Búgin Abzal Ájǵalıev AQSh-tyń Solt-Leık-Sıtı qalasynda short-trekten ótip jatqan Álem kýbogynyń ekinshi kezeńinde kúmis medal jeńip aldy.

Qazaqstandyq short-trekshi 500 metrge jarysta tek kanadalyq Maksım Laýnnan qalyp qoıdy. Úzdik úshtikti ońtústik koreıalyq Lı Jýn So túıindedi.

Budan basqa búgin Nurtilek Qajyǵalı 1500 metrlik synda fınalda baq synap, besinshi satydan kórindi. Iýta shtatynda Qazaqstan tolyq quramda synǵa túsip jatyr:

Erler – Abzal Ájǵalıev, Nurtilek Qajyǵalı, Ádil Ǵalıahmetov, Denıs Nıkısha, Erkebulan Shamýhanov, Anton Hvan;

Áıelder – Alına Ájǵalıeva, Iana Han, Malıka Ermek, Alena Volkovıkaıa, Anastasııa Astrahaneva, Olga Tıhonova;

Bas jattyqtyrýshy – Nurbergen Jumaǵazıev. Solt-Leık-Sıtıdegi jarysty Halyqaralyq konkıshiler odaǵynyń (ISU) Youtube arnasynan tamashalaı alasyzdar.

Kanadanyń Monreal qalasynda ótken alǵashqy kezeńde erler quramasy 5 shaqyrym estafetada kúmis júldege qol jetkizgen. Qazir 5000 metrge jarysta álem reıtınginde Ulttyq qurama 9-satyda kele jatyr (12094 upaı).

Dastan KENJALIN,

ASTANA