SportPress.kz قازاقستان سپورت جاڭالىقتارى
بۇكىلالەمدىك بوكس قاۋىمداستىعى (WBA) قازاقستاندىق بوكسشى ايدوس ەربوسىن ۇلىنا قاتىستى رەسمي مالىمدەمە جاسادى.
6 قاراشادا ەربوسىن ۇلى كۋبالىق دەۆيد موررەلگە قارسى جەكپە-جەكتە نوكاۋتپەن جەڭىلدى. ونى زەمبىلمەن الىپ كەتتى. ال اۋرۋحانادا بوكسشى كوماعا ءتۇستى. ول سۋپەر ورتا سالماقتاعى WBA تۇجىرىمى بويىنشا الەم چەمپيونى اتاعى ءۇشىن جۇدىرىقتاسقان بولاتىن.
«بۇكىلالەمدىك بوكس قاۋىمداستىعى (WBA) وتكەن سەنبى كۇنى دەۆيد موررەلگە قارسى جەكپە-جەكتەن كەيىن ميننەسوتا اۋرۋحاناسىنا جەتكىزىلگەن ايدوس ەربوسىن ۇلىنا قاتىستى جاعدايدى ءجىتى باقىلاپ وتىر. قازاقستان بوكسشىسى كۋبالىققا قارسى اۋىر جەكپە-جەك وتكىزىپ، 12-راۋندتا نوكاۋتپەن ۇتىلدى. ول جەڭىسكە جەتۋ ءۇشىن بار كۇش-جىگەرىن سالدى»، — دەلىنگەن رەسمي مالىمدەمەدە.
وسى ورايدا ۇيىم ماماندارى Suleymen Promotions كومپانياسى تاراتقان اقپاراتقا دا توقتالدى. وعان سايكەس، سپورتشىنىڭ ومىرىنە قاۋىپ ءتونىپ تۇرعان جوق. ونى دارىگەرلەر دە راستاپ وتىر.
«ايدوس ەكى اپتاداي دارىگەرلەردىڭ باقىلاۋىندا بولادى. قازىرگى كەزدە كومانداسى ونىڭ وتباسىنا جانە جەكە ومىرىنە قۇرمەتپەن قاراۋدى سۇرايدى. WBA جاعدايدى ارى قاراي باقىلايدى جانە ەربوسىن ۇلى تەز ساۋىعادى دەپ سەنەدى. بۇدان بولەك، بۇكىل بوكس الەمىنەن ول ءۇشىن دۇعا ەتۋدى سۇرايمىز»، — دەيدى قاۋىمداستىق وكىلدەرى.
داستان كەنجالين،
استانا
سپاسيبو بولشوە ۆام زا ينفورماتسيۋ. حوروشي پراكتيكۋيۋششي كارديولوگ — ۆيكتوريا زيازينا. ۆوت تۋت موجنو پوسموترەت چەم ونا زانيماەتسيا https://youtube.com/@KardioRussia . پوكا نە پوبەسپوكويت، مالو كتو پروۆەرياەتسيا، نو س سەردەچنو-سوسۋديستوي سيستەموي كاك پراۆيلو شۋتيات ۆسەگو ودين راز.