SportPress.kz Qazaqstan sport jańalyqtary
Búkilálemdik boks qaýymdastyǵy (WBA) qazaqstandyq boksshy Aıdos Erbosynulyna qatysty resmı málimdeme jasady.
6 qarashada Erbosynuly kýbalyq Devıd Morrelge qarsy jekpe-jekte nokaýtpen jeńildi. Ony zembilmen alyp ketti. Al aýrýhanada boksshy komaǵa tústi. Ol sýper orta salmaqtaǵy WBA tujyrymy boıynsha álem chempıony ataǵy úshin judyryqtasqan bolatyn.
«Búkilálemdik boks qaýymdastyǵy (WBA) ótken senbi kúni Devıd Morrelge qarsy jekpe-jekten keıin Mınnesota aýrýhanasyna jetkizilgen Aıdos Erbosynulyna qatysty jaǵdaıdy jiti baqylap otyr. Qazaqstan boksshysy kýbalyqqa qarsy aýyr jekpe-jek ótkizip, 12-raýndta nokaýtpen utyldy. Ol jeńiske jetý úshin bar kúsh-jigerin saldy», — delingen resmı málimdemede.
Osy oraıda uıym mamandary Suleymen Promotions kompanııasy taratqan aqparatqa da toqtaldy. Oǵan sáıkes, sportshynyń ómirine qaýip tónip turǵan joq. Ony dárigerler de rastap otyr.
«Aıdos eki aptadaı dárigerlerdiń baqylaýynda bolady. Qazirgi kezde komandasy onyń otbasyna jáne jeke ómirine qurmetpen qaraýdy suraıdy. WBA jaǵdaıdy ary qaraı baqylaıdy jáne Erbosynuly tez saýyǵady dep senedi. Budan bólek, búkil boks áleminen ol úshin duǵa etýdi suraımyz», — deıdi qaýymdastyq ókilderi.
Dastan KENJALIN,
ASTANA
Spasıbo bolshoe vam za ınformaııý. Horoshıı praktıkýıýщıı kardıolog — Vıktorııa Zıazına. Vot týt mojno posmotret chem ona zanımaetsıa https://youtube.com/@KardioRussia . Poka ne pobespokoıt, malo kto proverıaetsıa, no s serdechno-sosýdıstoı sıstemoı kak pravılo shýtıat vsego odın raz.