كاتاردا الەم چەمپيوناتىنا ارنالعان بانكنوتتار شىعارىلدى

كاتار ورتالىق بانكى فۋتبولدان الەم چەمپيوناتىنىڭ ستاديوندارى بەينەلەنگەن ەستەلىك بانكنوتتاردى شىعاردى.

ەستەلىك بانكنوتتاردا كاتاردىڭ مادەني مۇراسى كورسەتىلگەن. اتاپ ايتقاندا، كاتار ەلىنىڭ ۇلتتىق ەلتاڭباسى، يۋنەسكو-نىڭ مادەني مۇراسىنا ەنگەن زۋبار بەكىنىسى مەن دوحا ورتالىعىنداعى ءزاۋلىم عيماراتتار بەينەلەنگەن.

فۋتبولدان الەم چەمپيوناتى ءۇشىن ارنايى شىعارىلعان بانكنوتتار كاتار تاريحىندا العاش رەت پوليمەرلى ماتەريالداردان جاسالعان. ولاردى ەلدەگى بانكتەر مەن اقشا ايىرباستاۋ پۋنكتتەرىنەن ساتىپ الۋعا بولادى.

بيىلعى الەم چەمپيوناتى 20 قاراشا مەن 18 جەلتوقسان ارالىعىندا كاتاردىڭ 5 قالاداعى 8 ستاديوندا بولادى.

كاتار ورتالىق بانكىنىڭ باسشىسى باندار بين ساۋد ءال-تانيدىڭ ايتۋىنشا، بانك الەم چەمپيوناتىنا ۇلەس قوسۋ ءۇشىن ەستەلىك مونەتالاردى شىعارىپ وتىر. الەمدىك دودا تاياۋ شىعىس پەن اراب الەمىندەگى تاريحي وقيعا.

داستان كەنجالين،

استانا