SportPress.kz Qazaqstan sport jańalyqtary
FIFA prezıdenti Djannı Infantıno fýtboldan álem chempıonaty kezinde barlyq qarýly qaqtyǵystardy toqtatýǵa shaqyrdy.
Fýtbol – jaqsylyqqa jeteleıtin kúsh. Fýtbol álemdegi máselelerdi sheshe alady degenge sený ańǵaldyq emes. Bizdiń basty maqsatymyz sporttaǵy uıymdastyrý jumystary ekenin jaqsy túsinemiz. Fýtbol adamdardy jaqyndastyratynyn eskersek, aldaǵy 5 mıllıard adam tamashalaıtyn álem chempıonaty beıbitshilikke oń serpin bere alady, – dedi ol.
Sonymen birge Djannı Infantıno 2018 jyly Reseıdiń álem chempıonatyn ótkizgenin, al Ýkraınanyń 2030 jylǵy álemdik dodany uıymdastyrýǵa úmitker bolyp otyrǵanyn eskertti.
Men memleket basshylarynan álem chempıonaty kezinde oq atýdy toqtatýdy suraımyn. Beıbitshilikke birinshi bolyp qadam jasańyzdar. Álemdik kóshbasshylarsyzdar, sizderde tarıhı ózgerister jasaýǵa múmkindik bar, – dedi FIFA-nyń basshysy.
Onyń aıtýynsha, fýtboldan álem chempıonaty – adamzattyń birigýge arnalǵan tamasha alańy.
Endeshe, osyny paıdalanyp, qaqtyǵystardy toqtatý úshin qoldan kelgenniń bárin jasaıyq, – dedi Infantıno.
Katarda álem chempıonaty 20 qarasha men 18 jeltoqsan aralyǵynda ótedi.
Dastan KENJALIN,
ASTANA
