Atyraýda dzıýdodan Qazaqstan chempıonaty aıaqtaldy

Atyraýda dzıýdodan erler men áıelder arasyndaǵy Qazaqstan chempıonaty aıaqtaldy. Jarystyń sońǵy kúni aralas komandalyq jarystar ótti.

Halyqaralyq dzıýdo federaııasynyń erejelerine sáıkes, dzıýdoshylar alty salmaq dárejesinde kúresti (áıelder: -57 kg, -70 kg, +70 kg, erler -73 kg, -90 kg jáne +90 kg).

Aralas komandalyq Qazaqstan chempıonatyna barlyǵy 18 komanda qatysty.

Nátıjesinde Jetisý oblysynyń komandasy chempıon atanyp, fınalda Mańǵystaý oblysyn 4:3 esebimen jeńdi. Atyraý jáne Almaty oblystarynan kelgen tatamı sheberleri qola medaldarǵa ıe boldy.

Bıylǵy Qazaqstan chempıonatynyń jeke jarystaryna Astana, Almaty jáne Shymkent qalalarynan jáne elimizdiń 17 oblysynan 500-ge jýyq sportshy qatysty.

Aqtóbe oblysynyń tatamı sheberleri jeke esepte 3 altyn jáne 1 qola medal jeńip alyp, medal kestesinde kósh bastady. Atyraý oblysynyń dzıýdoshylary 2 altyn, 2 kúmis jáne 3 qola medalmen ekinshi oryndy ıelendi. Al Almaty qalasynyń komandasy 2 altyn, 1 kúmis jáne 2 qola medalmen úzdik úshtikti túıindedi.

Jarys qorytyndysy boıynsha jeńimpaz jáne júldeger atanǵan sportshylar ulttyq quramanyń quramyna kiretin bolady. Jańa maýsymǵa jańa quram jasaqtalady.

Dastan KENJALIN,

ASTANA