Boksshy Aıdos Erbosynuly málimdeme jasady

Ekinshi orta salmaqtaǵy boksshy Aıdos Erbosynuly komadan shyqqannan keıin áleýmettik jelide jazba jarııalady.

Boksshy kelgen habarlamalardyń skrınshottaryn jarııalap, alańdap, qoldaý bildirip otyrǵan otandastaryna alǵysyn bildirdi.

Osyǵan uqsas sms-ter kóp kelgen eken. Barsha qoldap jatqan halqyma raqmet! Alla qalasa elge myqty bolyp oralamyn. Alla jazsa alar asýymyz áli alda, — dep jazdy Erbosynuly.

6 qarashada qazaqstandyq boksshy kýbalyq Davıd Morrelden nokaýtpen jeńilgen bolatyn. Sýperorta dıvızıondaǵy jekpe-jekte WBA tıtýly sarapqa salynǵan edi. 12-raýndtaǵy nokaýttan keıin Aıdosty shuǵyl túrde Mınneapolıs qalasyndaǵy aýrýhanalardyń birine jetkizdi. Ony «mıyna qan ketý» dıagnozymen jasandy túrde komaǵa túsirip, operaııa jasaǵan edi.

Dastan KENJALIN,

ASTANA