Хоккейден 2023 жылғы ӘЧ: Қазақстанның қарсыластары анықталды

Шайбалы хоккейден Қазақстан құрамасының 2023 жылғы әлем чемпионатындағы қарсыластары анықталды.

Әлемдік дода келесі жылдың 12-28 мамыры аралығында Латвияның Рига мен Финляндияның Тампере қалаларында өтеді.

Қазақстан құрамасы В тобында Канада, АҚШ, Швейцария, Словакия, Латвия, Норвегия және Словениямен кұш сынасады.

Ал А тобында Финляндия, Швеция, Чехия, Германия, Дания, Франция, Австрия және Венгрия өнер көрсетеді.

Биыл әлем чемпионатында Қазақстан құрамасы топ-дивизиондағы орнын сақтап қалды.

Әлем чемпионатында Италия мен Ұлыбритания бірінші дивизионға түсті. Олардың орнын 2023 жылы Венгрия мен Словения құрамалары басты.

Дастан КЕНЖАЛИН,

АСТАНА