«كانەلو» مەسسيدەن كەشىرىم سۇرادى

مەكسيكالىق بوكسشى ساۋل «كانەلو» الۆارەس فۋتبولدان ارگەنتينا ۇلتتىۇ قۇراما كومانداسىنىڭ ويىنشىسى ليونەل مەسسيدەن كەشىرىم سۇرادى.

«كەيىنگى بىرنەشە كۇن ەلىمە دەگەن سۇيىسپەنشىلىك مەنى ەلىتىپ كەتتى. سودان ارتىق ايتىپ قويعان ەكەنمىن. مەسسي مەن ارگەنتينا حالقىنان كەشىرىم سۇراعىم كەلەدى. كۇندە ءبىر جاڭا دۇنيەنى ءبىلىپ جاتامىز. بۇل جولى مەنىڭ كەزەگىم كەلىپتى، — دەپ جازدى «كانەلو» Twitter جەلىسىندە.

بۇعان دەيىن ساۋل «كانەلو» الۆارەس مەسسيدى كيىم اۋىسىراتىن بولمەدە اياعىنىڭ استىنا مەكسيكالىق ويىنشىنىڭ جەيدەسىن باسىپ تۇرعانى ءۇشىن  كورگەن جەردە ءبىر ۇرىپ قۇلاتامىن دەپ سەس كورسەتكەن بولاتىن. بوكسشىنىڭ سوزىنەن كەيىن كوپ ۇزاماي، ولاردىڭ اراسىنا مەكسيكالىق ويىنشى ءتۇسىپ، «كانەلونىڭ» مەسسيدى دۇرىس تۇسىنبەگەنىن، ونىڭ جەيدەسى ارگەنتينالىقتىڭ اياعىنىڭ استىندا  جاتسا، ودان ۇلكەن پروبلەما جاساماۋ كەرەكتىگىن، ويتكەنى فۋتبولشىلار كيىم اۋىستىراتىن بولمەدە قۋانىشتى ءساتتى قويىندارىنا سىيعىزا المايتىنىن، مۇنداي سەزىمدى 90 مينۋت الا دوپتىڭ سوڭىندا ءجۇرىپ، ماڭداي تەرمەن جەڭىسكە جەتكەن ادامنىڭ عانا تۇسىنەتىنىن ەسكەرتتى. وسىدان كەيىن بوكسشى وتانداسىنىڭ سوزىنە توقتامعا كەلىپ، مەسسيدى دۇرىس تۇسىنبەگەنىن، ودان كەشىرىم سۇرايتىنىن مالىمدەدى.

داستان كەنجالين،

استانا