«Kanelo» Messıden keshirim surady

Meksıkalyq boksshy Saýl «Kanelo» Alvares fýtboldan Argentına ulttyu qurama komandasynyń oıynshysy Lıonel Messıden keshirim surady.

«Keıingi birneshe kún elime degen súıispenshilik meni elitip ketti. Sodan artyq aıtyp qoıǵan ekenmin. Messı men Argentına halqynan keshirim suraǵym keledi. Kúnde bir jańa dúnıeni bilip jatamyz. Bul joly meniń kezegim kelipti, — dep jazdy «Kanelo» Twitter jelisinde.

Buǵan deıin Saýl «Kanelo» Alvares Messıdi kıim aýysyratyn bólmede aıaǵynyń astyna meksıkalyq oıynshynyń jeıdesin basyp turǵany úshin  kórgen jerde bir uryp qulatamyn dep ses kórsetken bolatyn. Boksshynyń sózinen keıin kóp uzamaı, olardyń arasyna meksıkalyq oıynshy túsip, «Kanelonyń» Messıdi durys túsinbegenin, onyń jeıdesi argentınalyqtyń aıaǵynyń astynda  jatsa, odan úlken problema jasamaý kerektigin, óıtkeni fýtbolshylar kıim aýystyratyn bólmede qýanyshty sátti qoıyndaryna syıǵyza almaıtynyn, mundaı sezimdi 90 mınýt ala doptyń sońynda júrip, mańdaı termen jeńiske jetken adamnyń ǵana túsinetinin eskertti. Osydan keıin boksshy otandasynyń sózine toqtamǵa kelip, Messıdi durys túsinbegenin, odan keshirim suraıtynyn málimdedi.

Dastan KENJALIN,

ASTANA