Japon halqynan alar úlgi jetedi

Osy kúnderi fýtboldan Katarda ótip jatqan tórt jylda bir keletin dúrmekti álem dodasy jer-júziniń nazaryn ózine aýdaryp, kún saıyn qyzyǵy qaınaı túsip keledi. Fýtbol degen bir sıqyr-ózine tartyp baýrap alady emes pe?! Bar jumysty ysyryp qoıyp, álemdegi teńbil doptyń serkeleriniń tartysty oıyndaryna kóz tigip otyrmyz.

Iá, Qazaqstan quramasy da osyndaı bir dúbirli mýndıalǵa qatysatyn kún týar ma joq pa?-Úmitti úkilep áıteýir kelemiz ǵoı. О́zimizde joq bolǵan soń ózgeniń jyrtysyn jyrtyp, qyryq pyshaq bolyp jatamyz. Amal neshik… Hosh, meni bul álem chempıonatynda tań qaldyrǵan japon halqynyń qaısarlyǵy, ádebi, mádenıeti boldy. Ne degen ǵajap el deseńshi. Oıyndy aıaǵyna deıin jankeshtilikpen ótkizetini óz aldyna, olardyń oıynnan tys adamgershikteri adamdy eriksiz tánti etedi. Mysaly, ózderi otyrǵan oryndarynda qalǵan qoqysty tazalap ketip bara jatqan japondyqtar álemge tazalyqtyń, adamgershiliktiń zor úlgisi bola bildi. Tipti, komandasy horvattardan penltıden utylyp, jarystan shyǵyp qalsa da bul halyq óziniń kisilik qasıetterin joǵaltpaı stadıonnyń ishin tazalap ketti. Qalaı ǵana qyzyǵa da súısine qaramassyń. Samýraılardyń bul adamı erekshe qadamy álemge úlken úlgi boldy. Bizderdiń japondardan alar jaqsy qasıetter jetip artylady. Al, fýtbolǵa kelsek, álem fýtbolynyń serkeleri aıaq túıistirgen bul jarysta men ózim Argentına quramasyna jankúıeri edim. Árıne, árkimniń óz tańdaýy bary anyq. Meniń tańdaýym osy qurama. О́ıtkeni, teńbil doptyń teńdesiz sheberi, sıqyrly sol aıaǵynyń soqqysy talaı tamsanatyn goldarǵa kýá boldyratyn Messıdiń sońǵy álem chempıonaty sátti aıaqtalsa degen úmittemin.

Alla násip etip, jeńiske jetip jatsa kóre jatarmyz. Jalpy, nebir álem fýtbolynda ózindik oıyny bar Germanııa, Belgııa sekildi kóshbasshylardyń ózin joldan shyǵaryp tastap jatqan Afrıka, Azııa komandalary naǵyz sensaııaǵa aınalyp otyr. «Qýyrdaqtyń kókesin túıe soıǵanda kóresiń», demekshi, kóz toımas qyzyqtar áli de alda dep oılaımyn. Endi Argentına Nıderlandqa qarsy jan alysyp, jan berisken oıynǵa daıyndalyp jatsa, Anglııa Franııaǵa qarsy keskilesken oıyndy kútip tur. Brazılııa da mýndıaldyń bas júldesinen úmitti komandanyń biri esebinde. Endi qaı komandanyń baǵy men baby qosylyp kelip turǵanyn alda kóre jatarmyz.

Aqyn ORDABAIULY,

ALMATY