Ronaldý Portýgalııanyń jeńilisine qatysty oıyn aıtty

Portýgalııanyń shabýylshysy Krıshtıaný Ronaldý Katarda fýtboldan ótip jatqan álem chempıonatynda ulttyq quramanyń Marokko komandasynan jeńilisine qatysty pikir bildirdi.

Portýgalııa komandasy álem chempıonatynyń shırek fınalynda Marokko quramasynan 0:1 esebimen utylǵannan keıin Ronaldý Instagram áleýmettik jelisinde komandasynyń jeńilisine qatysty oıyn aıtty.

Portýgalııa quramasy sapynda álem chempıonatyn jeńis alý meniń kareramdaǵy eń úlken arman edi. Men kóptegen ataq aldym. Ulttyq qurama sapynda talaı jetistikke jettim.  Biraq men eń úlken armanyma jete almadym. Men sol úshin kúrestim. 16 jylda bes álem chempıonatynda mıllıondaǵan otandasymnyń qoldaýymen uly fýtbolshylarmen oınadym. Men bar kúsh-jigerimdi jumsadym. Bar ónerimdi alańda kórsettim. Men eshqashan kúresten bas tartqan emespin.

Amal ne, keshe men armanymnan aıyryldym. Qyzbalyqqa salynǵym kelmeıdi. Kóp aıtyldy, kóp jazyldy, kóptegen spekýlıaııa boldy. Biraq men Portýgalııaǵa degen adaldyǵym bir sátke de úzilmegenin bárine aıtqym keledi. Men árqashan ortaq maqsat úshin kúresetim. Eshqashan komandalastarym men elimnen bas tartqan emespin.

Qazir ne basqa aıtarymymdy bilmeı otyrmyn. Rahmet, Portýgalııa! Rahmet, Katar!  Armanym barda bári tamasha edi… Endi bári tynyshtalyp, árkim ózi oı qorytatyn shyǵar, — dedi fýtbolshy.

Qolda bar málimetke qaraǵanda, Ronaldý 2026 jyly Portýgalııa AQSh pen Kanadada ótetin álem chempıonatyna joldama alsa, jasyl alańǵa shyǵýy múmkin. Ol kezde fýtbolshynyń jasy 41-de bolady.

Dastan KENJALIN,

ASTANA