Азамат Дәулетбеков еркін күрестен әлем кубогының қола жүлдегері атанды

Балуан Азамат Дәулетбеков АҚШ—тың Айова штатындағы Коралвилл қаласында еркін күрестен өткен әлем кубогы жарысында қола жүлдегер атанды.

«Спортты дамыту дирекциясы» РМҚК-ның хабарлауынша, Азамат 86 келіге дейінгі салмақта әлем құрамасы сапында кілемге шықты.

Әлем құрамасы бәсекені екінші айналымнан бастады. Онда А.Дәулетбеков жапониялық Тацуия Шираиды 9:1 есебімен тізе бүктірді. Дегенмен жартылай финалда ирандық Әлиреза Мұхаммед Каримимачианиге жол берді.

Азамат қола жүлде үшін белдесуде грузиялық Сандро Аминашвилиді 8:2 есебімен ұтып, үздік үштікке ілікті.

Ббұдан бұрын үстел теннисінен Алан Құрманғалиевтің әлем чемпионатында алтынға қоса қола медаль жеңіп алғанын жазған болатынбыз.

Дастан КЕНЖАЛИН,

АСТАНА