مەسسي تاعى ءبىر رەكوردتى جاڭارتتى

ارگەنتينا ۇلتتىق قۇراما كومانداسىنىڭ شابۋىلشىسى ءارى كاپيتانى ليونەل مەسسي فۋتبولدان كاتاردا ءوتىپ جاتقان الەم چەمپيوناتىندا تاعى ءبىر رەكوردتى جاڭارتتى.

ول ارگەنتينا مەن حورۆاتيا كوماندالارىنىڭ ماتچىندا 11 مەترلىك ايىپ دوبىن سوعىپ، ەكىنشى تايمدا كوماندالاسى حۋليان الۆارەسكە ناتيجەلى پاس بەرىپ، الەم چەمپيوناتتارىنداعى گولدارىنىڭ سانىن 11-گە، پاستارىنىڭ سانىن 9-عا جەتكىزدى.

وسىلايشا، «التىن دوپتىڭ» 7 دۇركىن يەگەرى مەسسي ميروسلاۆ كلوزەدەن (16 گول + 3 پاس)، رونالدودان (15 گول + 4 پاس)، گەرد ميۋللەر (14 گول + 5 پاس) مەن پەلەدەن (12 گول + 7 پاس) اسىپ ءتۇستى.

ارگەنتينا حورۆاتيامەن ويىندا 3:0 ەسەبىمەن جەڭىپ، فينالعا شىقتى. ارگەنتينا قۇراماسى ەندى 15 جەلتوقسانعا قاراعان ءتۇنى فرانتسيا مەن ماروككو ماتچىنىڭ جەڭىمپازىمەن التىن جۇلدەنى ساراپقا سالادى.

داستان كەنجالين،

استانا