Messı taǵy bir rekordty jańartty

Argentına ulttyq qurama komandasynyń shabýylshysy ári kapıtany Lıonel Messı fýtboldan Katarda ótip jatqan álem chempıonatynda taǵy bir rekordty jańartty.

Ol Argentına men Horvatııa komandalarynyń matchynda 11 metrlik aıyp dobyn soǵyp, ekinshi taımda komandalasy Hýlıan Alvareske nátıjeli pas berip, álem chempıonattaryndaǵy goldarynyń sanyn 11-ge, pastarynyń sanyn 9-ǵa jetkizdi.

Osylaısha, «Altyn doptyń» 7 dúrkin ıegeri Messı Mıroslav Klozeden (16 gol + 3 pas), Ronaldodan (15 gol + 4 pas), Gerd Mıýller (14 gol + 5 pas) men Peleden (12 gol + 7 pas) asyp tústi.

Argentına Horvatııamen oıynda 3:0 esebimen jeńip, fınalǵa shyqty. Argentına quramasy endi 15 jeltoqsanǵa qaraǵan túni Franııa men Marokko matchynyń jeńimpazymen altyn júldeni sarapqa salady.

Dastan KENJALIN,

ASTANA