جانىبەك ءالىمحان ۇلى ءتورتىنشى رەت اكە اتاندى

ورتا سالماقتاعى كاسىپقوي بوكسشى جانىبەك ءالىمحان ۇلى قۋانىشتى جاڭالىق ايتتى. ول ءتورتىنشى رەت اكە اتاندى.

بۇل تۋرالى بوكسشىنىڭ ءوزى الەۋمەتتىك جەلىدە جازدى.

ءتورتىنشى. ءالحامدۋليللاح! بۇل ومىرگە قوش كەلدىڭ، ۇلىم! ەسىمىن حان قويدىم! حان جانىبەك!، — دەدى جانىبەك ءالىمحان ۇلى Twitter جەلىسىندە.

جانىبەك ءالىمحان ۇلى كاسىپقوي بوكستا ورتا سالماقتا (72،574 كگ) ونەر كورسەتەدى. ول كاسىپقوي بوكستا ءالى بىردە-ءبىر رەت جەڭىلىپ كورمەگەن. قازاقستاننىڭ ەڭبەك سىڭىرگەن سپورت شەبەرى. اۋەسقوي بوكستا 2016 جىلى بولعان وليمپياداعا قاتىسقان. 2013 جىلى الەم چەمپيونى بولعان. 2013-2014 جىلدارى ازيا چەمپيونى، 2014 جىلى ازيا ويىندارىنىڭ چەمپيونى اتانعان حالىقارالىق دارەجەدەگى سپورت شەبەرى.

داستان كەنجالين،

استانا