قازاقستان كلۋبى العاش رەت الەم چەمپيوناتىنا جولداما الدى

بۇگىن تۇركيانىӊ انتاليا قالاسىندا كلۋبتىق كوماندالار اراسىنداعى الەم چەمپيوناتى باستالادى. جىلداعى قالىپتاسقان ءداستۇر بويىنشا بۇل دودادا حالىقارالىق ۆولەيبول فەدەراتسياسى (FIVB)  بيىلعى ماۋسىمدى قورىتىندىلايدى.

بۇل چەمپيوناتتا ەلىمىزدىڭ نامىسىن پەتروپاۆلدىڭ «قۋانىش» كلۋبى قورعايدى. ول دۇرمەكتى دودادا العاش رەت كلۋبتىق ازيا-2022 چەمپيونى رەتىندە باق سىنايدى. بۇعان دەيىن الەم چەمپيوناتىنا وسكەمەننىӊ «التاي» كومانداسى ەكى رەت قاتىسقان بولاتىن. 2018 جىلى «التاي» كومانداسىنا الەمنىӊ ەӊ ۇزدىك كلۋبتارى باس قوساتىن بايگەگە قاتىسۋ ءۇشىن ۋايلد-كارد (Wild card) بەرىلگەن ەدى. ال بىلتىر وسكەمەننىڭ قىزدارى دا جەӊىمپاز رەتىندە، ياعني كلۋبتىق ازيا-2021 چەمپيونى مارتەبەسىندە الەمدىك دودانىڭ كورىگىن قىزدىرعان.

بيىلعى دودادا التى كوماندا بەس كۇننىӊ ىشىندە كلۋبتىق الەم چەمپيونىن انىقتايدى. وندا «قۋانىش» كلۋبىنان بولەك، انتاليادا ەۋروپا جانە وӊتۇستىك امەريكا چەمپيوندارى «VakifBank Spor Kulubu» (تۇركيا) مەن «Gerdau Minas» (برازيليا) كلۋبتارى، سونداي-اق وسى بىرىنشىلىكتەردىӊ كۇمىس جۇلدەگەرلەرى «Prosecco DOC Imoko Conegliano» (يتاليا) مەن «Dentil Praia Clube» (برازيليا) سىنعا تۇسەدى. سونىمەن قاتار، جارىسقا ۇيىمداستىرۋشىلار تاراپىنان تۇرىكتىӊ «Eczacıbaşı Dynavit Istanbul» كومانداسى قوسىلىپ وتىر.

«قۋانىش» (پەتروپاۆل) كلۋبىنىӊ قۇرامى:

№1. لورا كيتيپوۆا (رەسەي/بولگاريا، 19.05.1991);

№2(ل). سابيرا بەكىشەۆا (21.02.1998);

№3. الەنا كولوتىگينا (20.03.1996);

№4. ەكاتەرينا ميحايلوۆا (04.05.1998);

№5. بوتاگوز ەسىمحان (16.05.1997);

№7(ك). تاتيانا الدوشينا (23.04.1998);

№9. ولەسيا فەلدبۋش (17.01.2003);

№10. يۋليا بوروۆكوۆا (12.03.2003);

№12. ورلە ماەۆا (فرانتسيا، 08.05.1991);

№17. مارگاريتا بەلچەنكو (21.03.1999);

№18. اناستاسيا كولوموەتس (18.04.1991);

№20(ل). كريستينا شۆيدكايا (03.01.2002);

№27. ناتاليا سميرنوۆا (29.12.1999)

باس جاتتىقتىرۋشى – داركو دوبرەسكوۆ (سەربيا).

 

توپتىق كەزەӊ (14-16 جەلتوقسان)

14 جەلتوقسان

(«ۆ») «قۋانىش» – «VAKIFBANK SPOR KULUBU» (تۇركيا)

(«ا») «Eczacıbaşı Dynavit Istanbul» (تۇركيا) – «Dentil Praia Clube» (برازيليا)

15 جەلتوقسان

(«ۆ») «VakifBank Spor Kulubu» (تۇركيا) – «Gerdau Minas» (برازيليا)

(«ا») «Prosecco DOC Imoko Conegliano» (يتاليا) – «Dentil Praia Clube» (برازيليا)

16 جەلتوقسان

(«ۆ») «قۋانىش» – «GERDAU MINAS» (برازيليا)

(«ا») «Eczacıbaşı Dynavit Istanbul» (تۇركيا) – «Prosecco DOC Imoko Conegliano» (يتاليا)

17 جەلتوقسان. 1/2 فينال (1ا – 2ۆ، 1ۆ – 2ا)

18 جەلتوقسان. فينال، ءۇشىنشى ورىن ءۇشىن ماتچ.

 

داستان كەنجالين،

استانا