SportPress.kz قازاقستان سپورت جاڭالىقتارى
شىمكەنتتە «Artsport» باعدارلاماسى بويىنشا كاسىپكەرلەردىڭ الدىندا بەرەشەكتىڭ بولۋىنا جول بەرگەن مادەنيەت باسقارماسىنىڭ باسشىسى جازالاندى.
شىمكەنت قالاسىنىڭ پروكۋراتۋراسى قالالىق مادەنيەت باسقارماسى تاراپىنان «Artsport» باعدارلاماسى اياسىندا قىزمەت كورسەتكەن 159 كاسىپكەردىڭ 600 ملن تەڭگەدەن اسا بەرەشەگى بار ەكەنىن، اكىمدىك تاراپىنان ونى وتەۋگە شارا قولدانباي جاتقانىن انىقتادى.
بۇل رەتتە كاسىپكەرلەرگە بەرەشەكتەردى قايتارۋ تۋرالى قالا اكىمدىگىنە پروكۋرورلىق قاداعالاۋ اكتىسى (زاڭدىلىقتى بۇزۋشىلىقتى جويۋ تۋرالى ۇسىنىم) ەنگىزىلدى.
پروكۋراتۋرانىڭ ارالاسۋىنان كەيىن 159 كاسىپكەردىڭ 200 ملن تەڭگەگە جۋىق بەرەشەگى ءىشىنارا تولەندى. قالعان بەرەشەكتەر جىل سوڭىنا دەيىن قايتارىلاتىن بولادى.
بەرەشەكتەردىڭ قالىپتاسۋىنا جول بەرگەن قالالىق مادەنيەت باسقارماسىنىڭ باسشىسى اكىمشىلىك قۇقىق بۇزۋشىلىق تۋرالى كودەكستىڭ 234-1-بابىمەن كىنالى دەپ تانىلىپ، وعان وسى باپپەن 306 300 تەڭگە اكىمشىلىك ايىپپۇل سالۋ جازاسى قولدانىلدى.
دينارا امانتاي،
استانا
