قازاقستان العاش رەت پارابياتلوننان الەم كۋبوگىنىڭ يەگەرى اتاندى

فينليانديادا وتكەن پارابياتلوننان الەم كۋبوگى كەزەڭىندە ەربول حاميتوۆ 10 كم قاشىقتىقتى 32:37.0 سەكۋندتا ءجۇرىپ ءوتىپ، التىن مەدال ەنشىلەدى.

ەكىنشى ورىن ۋكراينالىق قارسىلاسى تاراس رادقا (33:41،6)، ال ءۇشىنشى ورىن تاعى ءبىر ۋكراين سپورتشىسى الەكساندر الەكسيككە (33:50،7) بۇيىردى.

الەم كۋبوگىنىڭ كەزەڭىندەگى بۇل جەڭىس — قازاقستان تاريحىنداعى العاشقى التىن مەدال.

پاراشاڭعى مەن پارابياتلوننان الەم كۋبوگىنىڭ كەزەڭى فينليانديانىڭ ۆۋاكاتتي قالاسىندا 7-19 جەلتوقسان ارالىعىندا ءوتىپ جاتىر.

جارىستا ەربول حاميتوۆ پاراشاڭعىدان 5 كم قاشىقتىقتا كۇمىس جۇلدە، 10 كم قاشىقتىقتا قولا جۇلدەنى ەنشىلەسە، الەكساندر گەرليتس پارابياتلوننان 12.5 كم قاشىقتىقتا قولا مەدالگە يە بولعان.

داستان كەنجالين،

استانا