بالالار وسكەمەندە «قاسىم باتىر» زالىنا بارادى

وسكەمەن قالاسىندا حالىق قاھارمانى، پارتيزان جازۋشى قاسىم قايسەنوۆ اتىنداعىجاتتىعۋ  زالىنىڭ سالتاناتتى اشىلۋ ءراسىمى ءوتتى. تاۋەلسىزدىك كۇنىمەن تۇسپا-تۇس وتكەن  يگى ءىس «Qazaqstan ardagerleri» قاۋىمداستىعىنىڭ ۇيىمداستىرۋىمەن جانە  Amanat پارتياسىنىڭ قولداۋىمەن جۇزەگە استى.

باتىر قاسىم قايسەنوۆتىڭ ەسىمىن يەلەنگەن جاڭا سپورتتىق  جاتتىعۋ زالىنىڭ اشىلۋ راسىمىندە وسكەمەن قالاسىنىڭ اكىمى جاقسىلىق ومار، Amanat پكارتياسى فراكتسياسىنىڭ مۇشەسى، ءماجىلىس دەپۋتاتى،  «Qazaqstan ardagerleri» قاۋىمداستىعىنىڭ توراعاسى  باقىتبەك سماعۇل،  وسكەمەن قالالىق گارنيزونىنىڭ باستىعى، قاسىم قايسەنوۆ اتىنداعى  №27943 اسكەري ءبولىمنىڭ  كومانديرى  پودپولكوۆنيك اسلان كىتاپباەۆ،  شىعىس  قازاقستان وبلىسى بويىنشا ۇقك-نە قاراستى   شەكارا قىزمەتى  دەپارتامەنتىنىڭ باستىعى پولكوۆنيك  سەرىك راحىموۆ،  قاسىم قايسەنوۆتىڭ  تۋىسقانى بوكستان ەڭبەك سىڭىرگەن باپكەر  باعلان رايىمحانوۆ،  الماتى وبلىستىق ءماسليحاتىنىڭ دەپۋتاتى، حالىق قاھارمانى ساعادات نۇرماعامبەتوۆ اتىنداعى سپورت كلۋبىنىڭ  نەگىزىن قالاۋشىسى ءارى باس  باپكەر نۇرسۇلتان ورىنباساروۆ قاتىسىپ، قۇتتىقتاۋ سوزدەرىن ارناپ، جاستارعا ساتتىلىك تىلەدى.

سپورتتىق جاتتىعۋ زالىنىڭ اشىلۋ راسىمىندە مادەنيەت جانە سپورت ءمينيسترى داۋرەن اباەۆتىڭ قۇتتىقتاۋ حاتىن باقىتبەك سماعۇل، قورعانىس ءمينيسترى رۋسلان جاقسىلىقوۆتىڭ قۇتتىقتاۋىن اسلان قىتاپباەۆ وقىپ بەرىپ، جاستاردى سالۋاتتىلىققا، وتانسۇيگىشتىككە باۋلۋعا بەت بۇرعان ازاماتتارعا تابىس ەتتى.

«Qazaqstan ardagerleri» قاۋىمداستىعىنىڭ توراعاسى  ب.سماعۇل  باۋىرجان مومىش ۇلى اتىنداعى «نامىس» توسبەلگىسىن سپورتتاعى جەتىستىكتەر مەن ءوڭىر تىرشلىگىنىنىڭ تۇلەۋىنە ەلەۋلى ۇلەس قوسىپ كەلە جاتقان   قالا اكىمى جاقسىلىق ومار، ماۆليۋت مۋرادوۆ، ەۆگەني پريلۋتسكي، يسلانا دجۋمابەكوۆا، نۇركەلدى قايىربەك، ايدىن ماناتبەك ۇلى جانە قاسىم قايسەنوۆ اتىنداعى كلۋبتىڭ باپكەرلەرى اسىلبەك تەمىربەكوۆ پەن سولتان احمەتوۆكە تابىس ەتتى.

سونىمەن بىرگە جيىلعان كوپشىلىك الدىندا كلۋبتىڭ مۇشەلەرى  سابينا ماعزيەۆا، سايدا ايدارحان،  نۇركەلدى قايىربەككە گرەپپلينگ كۇرەسىنەن سپورت شەبەرلىگىنە ۇمىتكەر كۋالىگى بەرىلدى.

2020 جىلى نەگىزى قالانعان قاسىم قايسەنوۆ اتىنداعى  سپورت كلۋبىندا بۇگىنگى كۇندە 90-نان استام بالعىن بالالارت سپورت تۇرلەرىن مەڭگەرىپ كەلەدى.  س.احمەتوۆ پەن ا.تەمىربەكوۆتەردەي  بىلىكتى باپكەرلەردىڭ  ءتالىمىن العان شاكىرتتەر اراسىندا الەم چەمپيونى، ازيا بىرىنشىلىگىنىڭ جەڭىمپازى اتانعان تالانتتى جاستار ءوسىپ جاتىر.

قۋان قازاق،

وسكەمەن