Benzema Franııa quramasyna qatysty málimdeme jasady

Karım Benzema Franııanyń ulttyq qurama komandasyndaǵy karerasyn aıaqtaıtynyn málimdedi.

Bul týraly ol Twitter jelisinde jazdy.

Osy kezge deıin ulttyq quramanyń sapynda biraz ter tóktim. Qatelikter jasadym. Osy kúnge deıin oınap, jetistikke jetkenimdi maqtan tutamyn. Men ulttyq quramada qoltańbamdy qaldyrdym. Osymen bizdiń jolymyz támam, – dep jazdy Benzema.

Bıyl Karım Benzema álemniń úzdik oıynshysyna beriletin «Altyp doptyń» ıegeri atandy. Ol Ispanııanyń «Real» klýbynda oınaıdy. Benzema ulttyq quramanyń sapynda 97 match ótkizip, 37 goldyń avtory boldy.

Shabýylshy Katardaǵy álem chempıonatyna jaraqaty saldarynan bara almaı qalǵan edi. Alaıda jarasy jazylǵannan keıin ol mýndıaldiń sheshýshi oıyndaryna shaqyrtý almady. Osy úshin Benzema quramanyń bas jattyqtyrýshysy Dıde Deshamǵa renjigen degen pikir bar.

Dastan KENJALIN,

ASTANA