«ПСЖ» клубы Килиан Мбаппені қаншаға сататынын мәлімдеді

Францияның «Пари Сен-Жермен» клубы шабуылшы Килиан Мбаппені өтемақы есебінде 300-350 млн еуроға сатуға дайын отыр.

The Telegraph-тың хабарлауынша, футболшымен 2025 жылға дейін келісімшарт жасалған.

Алайда франциялық шабуылшы кетемін деген жағдайда тиісті ұсыныс түссе, клуб оны сата алады. «ПСЖ» Мбаппені 300-350 млн еуроға бағалап отыр.

Кезінде «Реал» бізге қарағанда, Килианға көп ақша ұсынған болатын. Бірақ ол бізді таңдады. Ең бастысы да сол еді. Осында ойнауға ұйғарса, мәселенің ақшада еместігін білдіреді», — деді «ПСЖ» өкілі.

Килиан Мбаппе Катарда өткен әлем чемпионатында 8 гол салып, үздік сұрмерген атанған болатын. Ол чемпионатта гол саны жөнінен Пеле және Мессимен теңесті.

Дастан КЕНЖАЛИН,

АСТАНА