كريشتيانۋ رونالدۋ جاڭا كلۋبقا اۋىسادى

فۋتبولدان پورتۋگاليا قۇراما كومانداسىنىڭ شابۋىلشىسى كريشتيانۋ رونالدۋ ساۋد ارابياسىنىڭ «ءال-ناسر» كلۋبىمەن ۇزاق مەرزىمدى كەلىسىمشارتقا قول قويدى. 

Marca باسىلىمىنىڭ حابارلاۋىنشا، تاراپتار ءوزارا كەلىسكەن، تاياۋ ۋاقىتتا بۇل تۋرالى رەسمي تۇردە جاريا ەتىلەدى.

كريشتيانۋ رونالدۋ «ءال-ناسر» كلۋبىمەن 2030 جىلعا دەيىنگى كەلىسىمشارتقا قول قويدى. رونالدۋ كوماندادا ەكى جارىم جىل وينايدى. قالعان مەرزىمدە 2030 جىلعى فۋتبولدان الەم چەمپيوناتىن وتكىزۋگە ساۋد ارابياسى، مىسىر جانە گرەكيانىڭ ءوتىنىم ەلشىسى رەتىندە قىزمەت ەتەدى، – دەپ جازدى باسىلىم.

پورتۋگاليالىق فۋتبولشى كەلگەننەن كەيىن «ءال-ناسر» كلۋبى بىرقاتار ويىنشىنىڭ قىزمەتىنەن باس تارتادى. كلۋبتا ارگەنتينالىق جارتىلاي قورعاۋشى گونسالو مارتينەس پەن وزبەكستاندىق شابۋىلشى جالوليددين ماشاريپوۆ ويناماۋى مۇمكىن.

الدىن الا مالىمەت بويىنشا رونالدۋ 2،5 جىل جارىم ۋاقىت بويى ويىنشى رەتىندە ماۋسىم سايىن 200 ملن-داي ەۋرو الادى. الەم چەمپيوناتىن وتكىزۋگە ەلشى قىزمەتىنە كىرىسكەننەن كەيىن بۇل قارجى ەسەلەنە تۇسپەك.

وسىلايشا، 37 جاستاعى ويىنشى جەتى جىلدىق ىنتىماقتاستىق كەزىندە ميلليارد ەۋرودان استام تابىس تابادى.

داستان كەنجالين،

استانا