Krıshtıaný Ronaldý jańa klýbqa aýysady

Fýtboldan Portýgalııa qurama komandasynyń shabýylshysy Krıshtıaný Ronaldý Saýd Arabııasynyń «Ál-Nasr» klýbymen uzaq merzimdi kelisimshartqa qol qoıdy. 

Marca basylymynyń habarlaýynsha, taraptar ózara kelisken, taıaý ýaqytta bul týraly resmı túrde jarııa etiledi.

Krıshtıaný Ronaldý «Ál-Nasr» klýbymen 2030 jylǵa deıingi kelisimshartqa qol qoıdy. Ronaldý komandada eki jarym jyl oınaıdy. Qalǵan merzimde 2030 jylǵy fýtboldan álem chempıonatyn ótkizýge Saýd Arabııasy, Mysyr jáne Grekııanyń ótinim elshisi retinde qyzmet etedi, – dep jazdy basylym.

Portýgalııalyq fýtbolshy kelgennen keıin «Ál-Nasr» klýby birqatar oıynshynyń qyzmetinen bas tartady. Klýbta argentınalyq jartylaı qorǵaýshy Gonsalo Martınes pen ózbekstandyq shabýylshy Jalolıddın Masharıpov oınamaýy múmkin.

Aldyn ala málimet boıynsha Ronaldý 2,5 jyl jarym ýaqyt boıy oıynshy retinde maýsym saıyn 200 mln-daı eýro alady. Álem chempıonatyn ótkizýge elshi qyzmetine kiriskennen keıin bul qarjy eselene túspek.

Osylaısha, 37 jastaǵy oıynshy jeti jyldyq yntymaqtastyq kezinde mıllıard eýrodan astam tabys tabady.

Dastan KENJALIN,

ASTANA