SportPress.kz قازاقستان سپورت جاڭالىقتارى
الماتىدا ءوتىپ جاتقان بليتس جانە راپيد بويىنشا الەم چەمپيوناتىنىڭ اياسىندا 8 جاسار شاحماتشى كارىم ايتجان لاتۆيانىڭ ەكس-ءمينيسترى، گروسسمەيستەر دانا رەيزنيتسە-وزولانى جەڭدى.
الەم چەمپيوناتى كەزىندە لاتۆيالىق شاحماتشى الماتى جانە استانا اكادەميالارىنىڭ 24 ستۋدەنتىمەن ويناعان. ونىڭ 8 جاستاعى وتانداسىمىزبەن ويىنى ەڭ ۇزاققا سوزىلعان ويىننىڭ ءبىرى بولعان. بۇل تۋرالى قازاقستان شاحمات فەدەراتسياسى حابارلادى.
استانالىق شاحمات مەكتەبىنىڭ وقۋشىسى 8 جاستاعى كارىم ايتجاننىڭ تاقتاسىندا گروسسمەيستەر دانا رەيزنيتسە-وزولا ادەتتەگىدەن ۇزاعىراق تۇرىپ، جۇرىستەرى تۋرالى ۇزاق ويلاندى. ناتيجەسىندە بليتس بويىنشا ازيانىڭ كۇمىس جۇلدەگەرى كارىم ايتجان گروسسمەيستەرمەن وتكەن ويىندا جەڭىسكە جەتتى، – دەلىنگەن حابارلامادا.
كارىم ايتجاننىڭ ءوزى دە جەڭىسى تۋرالى ايتتى.
جەڭگەنىمە سەنبەدىم. گروسسمەيستەرمەن ويناۋدىڭ ارتىقشىلىعىن كوردىم. ءتىپتى تەپە-تەڭ دە وينادىق. بىراق كەيىن مەن ويىننىڭ باعىتىن وزگەرتە باستادىم. ارينە، بۇل وڭاي بولعان جوق. گروسسمەيستەرمەن ويناۋ قيىن، – دەدى جاس شاحماتشى.
گروسسمەيستەر رەيزنيتسە-وزولا – فيدە باسقارۋشى ديرەكتورى. بۇرىن ول لاتۆيانىڭ ەكونوميكا جانە قارجى مينيسترلىكتەرىن باسقارعان.
داستان كەنجالين،
استانا
