8 jasar qazaq balasy shahmattan Latvııanyń eks-mınıstrin jeńdi

Almatyda ótip jatqan blı jáne rapıd boıynsha álem chempıonatynyń aıasynda 8 jasar shahmatshy Kárim Aıtjan Latvııanyń eks-mınıstri, grossmeıster Dana Reıznıe-Ozolany jeńdi.

Álem chempıonaty kezinde latvııalyq shahmatshy Almaty jáne Astana akademııalarynyń 24 stýdentimen oınaǵan. Onyń 8 jastaǵy otandasymyzben oıyny eń uzaqqa sozylǵan oıynnyń biri bolǵan. Bul týraly Qazaqstan shahmat federaııasy habarlady.

Astanalyq shahmat mektebiniń oqýshysy 8 jastaǵy Kárim Aıtjannyń taqtasynda grossmeıster Dana Reıznıe-Ozola ádettegiden uzaǵyraq turyp, júristeri týraly uzaq oılandy. Nátıjesinde blı boıynsha Azııanyń kúmis júldegeri Kárim Aıtjan grossmeıstermen ótken oıynda jeńiske jetti, –  delingen habarlamada.

Kárim Aıtjannyń ózi de jeńisi týraly aıtty.

Jeńgenime senbedim. Grossmeıstermen oınaýdyń artyqshylyǵyn kórdim. Tipti tepe-teń de oınadyq. Biraq keıin men oıynnyń baǵytyn ózgerte bastadym. Árıne, bul ońaı bolǵan joq. Grossmeıstermen oınaý qıyn, – dedi jas shahmatshy.

Grossmeıster Reıznıe-Ozola – FIDE basqarýshy dırektory. Buryn ol Latvııanyń ekonomıka jáne qarjy mınıstrlikterin basqarǵan.

Dastan KENJALIN,

ASTANA