Sýrdlımpıada oıyndarynyń júldegerlerine páter kiltteri tabys etildi

Jambyl oblysynda úzdik sportshylar marapattaldy.

Oblys ákimdigi baspasóz qyzmetiniń habarlaýynsha, «Jyl úzdigi – 2022» sporttyq nomınaııalardy tapsyrý saltanatyna óńir ákimi Nurjan Nurjigitov qatysqan. О́ziniń quttyqtaý sózinde ol óńirdegi jetistikterge, atqarylyp jatqan aýqymdy jumystarǵa toqtaldy.

«Qasıetti Áýlıeata óńiriniń jaqsy sporttyq dástúri men jeńisti joldary ejelden qalyptasqan. Sol dástúrdi joǵaltpaý, sol abyroı bıiginen túspeý bizdiń alǵa qoıǵan mindetimiz ekenin esten shyǵarmaý kerek. Oblys sportshylary bıyl respýblıkalyq jáne halyqaralyq baıraqty básekelerde 1500-ge jýyq medalǵa ıe boldy. Qazir 683 sportshy túrli deńgeıdegi Ulttyq qurama komandalarǵa múshe bolyp otyr. О́ńirimizde joǵarǵy sport, onyń ishinde buqaralyq sporttyń damýyna úlken kóńil bólinýde. 2022 jyldyń qorytyndysy boıynsha oblysta dene shynyqtyrý jáne sportpen júıeli túrde shuǵyldanýshylar qatary 475,3 myń adamǵa nemese 39,1 paıyzǵa jetti. 2025 jylǵa deıin bul kórsetkishti 50 paıyzǵa jetkizý josparlanyp otyr.

Oblystyń barlyq qalalary men aýdan ortalyqtarynda, sondaı-aq aýyldarda zamanaýı sport zaldary men arnaıy alańdarynyń sany artýda. Bıyl Talas jáne Qordaı aýdandarynda dene shynyqtyrý saýyqtyrý keshenderi iske qosylsa, oblys boıynsha 62 sport alańshasy qoldanysqa berildi. Taǵy da 3 sport nysanyn jyl aıaǵyna deıin qoldanysqa berip, 13 nysannyń qurylysy 2023 jylǵa ótpeli bolyp otyr», — dedi Nurjan Nurjigitov.

Budan soń oblys ákimi jyldyń úzdik sportshylaryn túrli atalymdar boıynsha marapattady. Naqtyraq aıtsaq, HHIV jazǵy Sýrdlımpıada oıyndarynyń júldegerleri Ǵabıt Esjanov, Ǵasyr Turǵynbaı, Anna Kramorova, Asan Nurjan, Ferıde Kara Ogly, Oljas Rysjanov, Evelına Egemberdıeva, Aıdos Túgelbaevqa páter kiltteri tabys etildi.

Sondaı-aq «№2 oblystyq mamandandyrylǵan balalar – jasóspirimder sport mektebi» KMM armrestlıngten jattyqtyrýshy Vıtalıı Trýbınge Mádenıet jáne sport mınıstrliginiń «Dene shynyqtyrý men sportty damytýǵa sińirgen eńbegi úshin» tósbelgisi, Sarysý aýdandyq at báıgesi federaııasynyń jetekshisi Alpysbaı Isabaevqa «Qurmetti sport qyzmetkeri» tósbelgisi berildi.

О́zge de úzdik sportshylar Mádenıet jáne sport mınıstrliginiń Qurmet gramomasymen, Oblysqa sińirgen eńbegi úshin belgisimen, Jambyl oblysy ákiminiń Qurmet gramotasy jáne Alǵys hatymen marapattaldy.

Sonymen qatar, Parıj – 2024 XXXIII jazǵy Olımpıada jáne XVII jazǵy Paralımpıada oıyndaryna lıenzııa alýǵa úmitker sportshylarǵa sertıfıkattar jáne Ulttyq Olımpıada komıtetiniń tósbelgileri tabys etildi.

Dınara AMANTAI,

ASTANA