Qysqy ýnıversıada bastaldy

AQSh-tyń Leık-Plesıd qalasynda qysqy ýnıversıada saltanatty túrde ashyldy. Oǵan elimizdiń atynan 78 sportshy qatysady.

Qurama Shtattarda el namysyn 17 joǵary oqý ornynyń stýdentteri sporttyń 10 túrinen qorǵaıdy. Onyń ishinde shańǵymen jarysýdan – 14, short-trekten – 12, bıatlonnan – 9, mánerlep syrǵanaý men konkımen júgirýden – 6, snoýbord, taý shańǵysy sporty, tuǵyrdan sekirý men qossaıystan – 2, shaıbaly hokkeıden 23 otandasymyz jarys jolyna shyǵady.

Qazaqstan quramasy 2017 jyly elimizde ótken dúnıejúzilik ýnıversıada oıyndarynda 11 altyn, 8 kúmis jáne 17 qola júldemen jalpykomandalyq esepte 2-orynnan kóringen bolatyn.

Bıylǵy oıyndardy «Qazsport» telearnasy tikeleı efırde kórsetedi.

Ýnıversıada oıyndary 1924 jyldan beri ótkizilip keledi. Ol 1959 jylǵa deıin búkilálemdik ýnıversıtet oıyndary dep atalyp keldi. Sol jyldan bastap onyń aty ýnıversıada bolyp ózgerdi. Oǵan qatysý talaptary engizildi. Talap boıynsha 17 jasqa tolǵan jáne 28 jastan aspaǵan jigitter men qyzdar oıyndarǵa qatysýǵa múmkindik alady.

Dastan KENJALIN,

ASTANA