ۋنيۆەرسيادا: قازاقستان قۇراماسى توعىزىنشى ورىندا تۇر

قىسقى ۋنيۆەرسيادادا ءتورتىنشى جارىس كۇنىنەن كەيىن قازاقستان قۇراماسى مەدالدار كەستەسىندە توعىزىنشى ورىنعا جايعاستى.

14 قاڭتاردا اقش-تىڭ لەيك-پلەسيد قالاسىندا ءوتىپ جاتقان دودادا بياتلونشى ۆاديم كۋرالەس 15 شاقىرىم قاشىقتىقتا جەكەلەي سىندا مارە سىزىعىن بىرىنشى بولىپ قيعان ەدى.

15 قاڭتاردا وتانداستارىمىز جۇلدەگە ىلىگە العان جوق.

ازىرگە ءبىر التىن جۇلدەمەن قازاقستان قۇراماسى مەدالدار كەستەسىندە توعىزىنشى ورىندى ەستونيامەن ءبولىسىپ تۇر.

ازىرشە جۇلدەگە ىلىككەن 15 قۇراما بار.

كوش باسىندا جاپونيا 7 (4-2-1) مەدالمەن كەلە جاتسا، ودان كەيىنگى ورىندارداعى فرانتسيانىڭ 7 (2-1-4)، چەحيا مەن فينليانديانىڭ 3 (1-1-1) مەدالى بار.

2023 جىلعى قىسقى ۋنيۆەرسيادانىڭ ءتورتىنشى ويىن كۇنىنەن كەيىنگى مەدالدار كەستەسى:

1. جاپونيا 4-2-1
2. فرانتسيا 2-1-4
3. چەحيا 1-1-1
4. فينليانديا 1-1-1
5. گەرمانيا 1-0-2
6. كانادا 1-0-1
7. وڭتۇستىك كورەيا 1-0-1
8. شۆەيتساريا 1-0-1
9. قازاقستان 1-0-0
10. ەستونيا 1-0-0
11. اقش 0-3-0
12. نورۆەگيا 0-2-1
13. پولشا 0-2-0
14. يسپانيا 0-1-2
15. يتاليا 0-1-0

ۋنيۆەرسياداعا ەلىمىزدىڭ اتىنان 78 ستۋدەنت-سپورتشى قاتىسىپ جاتىر.

قىسقى ۋنيۆەرسيادا 22 قاڭتار كۇنى اياقتالادى.

داستان كەنجالين،

استانا