وزبەك كۇرەسى افريكا ويىندارىنىڭ باعدارلاماسىنا ەندى

وزبەك ۇلتتىق سپورت ءتۇرى – كۇرەس وليمپيادا ويىندارىنىڭ ماڭىزدى قۇرامداس بولىگى سانالاتىن افريكا ويىندارىنىڭ باعدارلاماسىنا ەندى.

وزبەك كۇرەسى رەسمي تۇردە تامىز ايىندا كونگو دەموكراتيالىق رەسپۋبليكاسىنىڭ براززاۆيل قالاسىندا وتەتىن افريكا ويىندارى جۇيەسىنەن بولەك سپورت ءتۇرى رەتىندە ەنگىزىلدى.

حالىقارالىق كۇرەس قاۋىمداستىعىنىڭ باس حاتشىسى جانە تەحنيكالىق ديرەكتورى مۋحامماد رەزا ناسيري وسى ويىندارعا قاتىستى ماسەلەلەردى تالقىلاۋ ءۇشىن كونگوعا بارىپ، وسى ەلدىڭ جاستار جانە سپورت، ازاماتتىق ءبىلىم ءمينيسترى حۋگۋەس نگوۋەلوندەلەمەن كەزدەستى.

كەزدەسۋدە ول كونگونىڭ مينيسترىمەن افريكا ويىندارىنداعى كۇرەستىڭ تەحنيكالىق اسپەكتىلەرىنە قاتىستى ماسەلەلەردى تالقىلادى.

حۋگۋەس نگوۋەلوندەلەنىڭ ايتۋىنشا، كۇرەستى ەلدە ەڭ تانىمال سپورت تۇرىنە اينالدىرۋ ءۇشىن ءىرى جارىستار ۇيىمداستىرىلىپ، وعان ۇكىمەت دەڭگەيىندە قولداۋ كورسەتىلۋدە. ول الداعى ۋاقىتتا وزبەكستانعا بارۋدى جوسپارلاپ وتىرعانىن مالىمدەگەن.

كەزدەسۋدە حالىقارالىق كۇرەس قاۋىمداستىعىنىڭ باس حاتشىسى رەزا ناسيري افريكا ويىندارىندا كۇرەس تۇرلەرىنەن جارىستار وتەتىن ورىن، سپورتشى مەن تورەشىلەرگە، تەحنيكالىق دەلەگاتتارعا ارنالعان كەشەندەرمەن تانىستى.

داستان كەنجالين،

استانا