О́zbek kúresi Afrıka oıyndarynyń baǵdarlamasyna endi

О́zbek ulttyq sport túri – kúres Olımpıada oıyndarynyń mańyzdy quramdas bóligi sanalatyn Afrıka oıyndarynyń baǵdarlamasyna endi.

О́zbek kúresi resmı túrde tamyz aıynda Kongo Demokratııalyq Respýblıkasynyń Brazzavıl qalasynda ótetin Afrıka oıyndary júıesinen bólek sport túri retinde engizildi.

Halyqaralyq kúres qaýymdastyǵynyń bas hatshysy jáne tehnıkalyq dırektory Mýhammad Reza Nasırı osy oıyndarǵa qatysty máselelerdi talqylaý úshin Kongoǵa baryp, osy eldiń Jastar jáne sport, azamattyq bilim mınıstri Hýgýes Ngoýelondelemen kezdesti.

Kezdesýde ol Kongonyń mınıstrimen Afrıka oıyndaryndaǵy kúrestiń tehnıkalyq aspektilerine qatysty máselelerdi talqylady.

Hýgýes Ngoýelondeleniń aıtýynsha, kúresti elde eń tanymal sport túrine aınaldyrý úshin iri jarystar uıymdastyrylyp, oǵan Úkimet deńgeıinde qoldaý kórsetilýde. Ol aldaǵy ýaqytta О́zbekstanǵa barýdy josparlap otyrǵanyn málimdegen.

Kezdesýde Halyqaralyq kúres qaýymdastyǵynyń Bas hatshysy Reza Nasırı Afrıka oıyndarynda kúres túrlerinen jarystar ótetin oryn, sportshy men tóreshilerge, tehnıkalyq delegattarǵa arnalǵan keshendermen tanysty.

Dastan KENJALIN,

ASTANA