Australian Open-2023: Rybakına jartylaı fınalǵa shyqty

Tennısten Avstralııanyń ashyq chempıonatynyń 1/8 fınalynda Elena Rybakına álemniń birinshi raketkasy polıak Iga Sventekti jarys jolynan shyǵaryp tastaǵan soń, shırek fınalda latvııalyq Elena Ostapenkomen kúsh synasty.

Kezdesý 1 saǵat 21 mınýtqa sozyldy. Matchta Rybakına qarsylasyn 6:2, 6:4 esebimen jeńdi.

Endi Elena Rybakına fınalǵa shyǵý úshin álemniń 18-raketkasy, «Úlken dýlyǵa» jarysynyń eki márte jeńimpazy, Belarýstiń ókili Vıktorııa Azarenkomen nemese álemniń úshinshi raketkasy, amerıkalyq Djessıka Pegýlamen kezdesedi.

Qańtardyń 16-synda bastalǵan ashyq chempıonattyń áıelder týrnırinde ekinshi aptaǵa «Úlken shlem týrnırleriniń» bes birdeı chempıondary – Vıktorııa Azarenko, Elena Ostapenko, Elena Rybakına, Iga Sventek jáne Barbora Kreıchıkova jetti. Olardyń bári jerebedegi elektiń joǵarǵy jartysynan oryn aldy.

Ostapenkomen kezdesýdiń aldynda Rybakına 1/8 fınaldyq shaıqasta Iga Sventekti jeńgen edi. Bul kezdesý 1 saǵat 19 mınýtqa sozyldy. Match 6:4, 6:4 esepterimen qazaqstandyq sportshynyń paıdasyna sheshildi. Sońǵy settiń basynda Lena qarsylasynan 0:3 esebimen utylyp turdy. Biraq esesin kóp uzamaı qaıtaryp, aqyrynda alǵa shyqty.

Iga 2022 jyly «Rolan Garros» pen US Open týrnırinde kósh bastasa, Elena Ýımbldonda birinshi bolǵan edi. Alaıda, osy kezde reseılik jáne belarýstik tennısshiler banǵa jiberilýlerine baılanysty reıtıngilik upaılarynan aıyrylyp qalǵandyqtan, Qazaqstan ókili óz reıtıngisine 2000 ball qosa almady. Sóıtip, 25-satyda qalyp qoıdy.

«Australian Open» Melbýrndegi «Melbýrn Park Rod Leıver Arena» stadıonynda bolyp jatyr. Avstralııanyń ashyq chempıonaty 30 qańtarda óz máresine jetedi.

Dastan KENJALIN,

ASTANA