Azııa chempıonaty: fınalǵa áıelder arasynan eki boksshy shyqty

Taılandtyń astanasy Bangkok qalasynda bokstan 22 jasqa deıingi jastar arasynda ótip jatqan Azııa chempıonatynyń fınalyna Qazaqstan qyzdar quramasynan eki boksshy shyqty.

Fınalda 70 kg salmaqta Jasmın Kızatova ózbekstandyq Azıza Zorıkovamen, 81 kelide Gúlsaıa Erjan alań ıesi Pornıpa Chýtımen kúsh synasady.

Fınal 25 qańtar kúni Astana ýaqytymen saǵat 13:00-de bastalady.

Buǵan deıin habarlanǵandaı, Azııa chempıonatynyń fınalyna erler quramasynan alty boksshy shyqty.

Olar — Sanjar Táshkenbaı (48 kg), Nursultan Altynbek (54 kg), Mahmud Sabyrhan (57 kg), Abzal Serik (67 kg), Sabyrjan Aqqalykov (71 kg) pen Dıas Moljigitov (75 kg) bar.

Fınalda tórt otandasymyz О́zbekstan quramasynyń bylǵary qolǵap sheberlerimen qolǵap túıistiredi.

Dastan KENJALIN,

ASTANA