جاتتىقتىرۋشى-وقىتۋشىلارعا ۇستەماقى ەنگىزىلەدى

مەكتەپ-ينتەرناتتاردىڭ جاتتىقتىرۋشى-وقىتۋشىلارىنا ولاردىڭ بىلىكتىلىگىنە قاراي ءار كاتەگوريا ءۇشىن ۇستەماقى ەنگىزىلەدى. بۇل تۋرالى مادەنيەت جانە سپورت ءمينيسترى اسحات ورالوۆ ۆەدومستۆونىڭ كەڭەيتىلگەن القا وتىرىسىندا ايتتى.

جيىندا مينيستر سپورت مەكتەپتەرىنىڭ پەداگوگتەرى مەن جاتتىقتىرۋشىلارى ءۇشىن اپتا سايىنعى وقۋ جۇكتەمەسى 24 ساعاتتان 18 ساعاتقا دەيىن ازاياتىنىن اتاپ ءوتتى.

سونىمەن بىرگە مەكتەپ-ينتەرناتتاردىڭ جاتتىقتىرۋشى-وقىتۋشىلارىنا ولاردىڭ بىلىكتىلىگىنە قاراي 6 مىڭ تەڭگەدەن 22 مىڭ تەڭگەگە دەيىن ءار كاتەرگوريا ءۇشىن ۇستەمەاقى ەنگىزىلەتىنىن ايتتى. بۇل يننوۆاتسيالار بيىلدان باستاپ كۇشىنە ەنەدى.

اسحات ورالوۆ دەنە شىنىقتىرۋ جانە سپورت سالاسىنداعى قولدانىستاعى نورماتيۆتىك قۇقىقتىق بازا تالاپتارعا تولىق سايكەس كەلمەيتىنىن، سالانىڭ ناقتى قاجەتتىلىكتەرى ەسكەرىلەتىنىن، سوندىقتان مينيسترلىك قولدانىستاعى زاڭ جوباسىنا تۇزەتۋلەر ەنگىزۋدى قولعا الىپ وتىرعانىن ايتتى.

«مەملەكەت باسشىسى بالالار سپورتىن دامىتۋعا جانە پەداگوگ ماماندىعىنا قىزىعۋشىلىقتى ارتتىرۋعا كوپ كوڭىل بولەدى. وسى رەتتە سپورتتىق باعىتتار نازاردان تىس قالمايدى. ءبىز جاتتىقتىرۋشى-وقىتۋشىلارعا توپتاردى باسقارعانى جانە سپورتشىلاردى جوعارى تۇرعان سپورت ۇيىمدارىنا، سونداي-اق سپورتتىق اتاقتارعا ۇسىنعانى ءۇشىن ۇستەمەاقىلار مەن قوسىمشا اقىلاردىڭ جاڭا تۇرلەرىن ەنگىزۋدى جوسپارلاپ وتىرمىز. ءبىز بۇل باعىتتاعى جۇمىستى جالعاستىرامىز جانە سالا قىزمەتكەرلەرىن الەۋمەتتىك تۇرعىدا قولداۋ ءۇشىن جاڭا شەشىمدەر قابىلدايمىز»، – دەدى مادەنيەت جانە سپورت ءمينيسترى.

داستان كەنجالين،

استانا