Jattyqtyrýshy-oqytýshylarǵa ústemaqy engiziledi

Mektep-ınternattardyń jattyqtyrýshy-oqytýshylaryna olardyń biliktiligine qaraı ár kategorııa úshin ústemaqy engiziledi. Bul týraly Mádenıet jáne sport mınıstri Ashat Oralov vedomstvonyń keńeıtilgen alqa otyrysynda aıtty.

Jıynda mınıstr sport mektepteriniń pedagogteri men jattyqtyrýshylary úshin apta saıynǵy oqý júktemesi 24 saǵattan 18 saǵatqa deıin azaıatynyn atap ótti.

Sonymen birge mektep-ınternattardyń jattyqtyrýshy-oqytýshylaryna olardyń biliktiligine qaraı 6 myń teńgeden 22 myń teńgege deıin ár katergorııa úshin ústemeaqy engiziletinin aıtty. Bul ınnovaııalar bıyldan bastap kúshine enedi.

Ashat Oralov dene shynyqtyrý jáne sport salasyndaǵy qoldanystaǵy normatıvtik quqyqtyq baza talaptarǵa tolyq sáıkes kelmeıtinin, salanyń naqty qajettilikteri eskeriletinin, sondyqtan mınıstrlik qoldanystaǵy zań jobasyna túzetýler engizýdi qolǵa alyp otyrǵanyn aıtty.

«Memleket basshysy balalar sportyn damytýǵa jáne pedagog mamandyǵyna qyzyǵýshylyqty arttyrýǵa kóp kóńil bóledi. Osy rette sporttyq baǵyttar nazardan tys qalmaıdy. Biz jattyqtyrýshy-oqytýshylarǵa toptardy basqarǵany jáne sportshylardy joǵary turǵan sport uıymdaryna, sondaı-aq sporttyq ataqtarǵa usynǵany úshin ústemeaqylar men qosymsha aqylardyń jańa túrlerin engizýdi josparlap otyrmyz. Biz bul baǵyttaǵy jumysty jalǵastyramyz jáne sala qyzmetkerlerin áleýmettik turǵyda qoldaý úshin jańa sheshimder qabyldaımyz», – dedi mádenıet jáne sport mınıstri.

Dastan KENJALIN,

ASTANA