Рыбакина Қазақстан тарихында алғаш рет әлемнің 10-ракеткасы атанды

Әйелдер теннисі қауымдастығы (WTA) жаңартылған рейтингін жариялады.

Осы тізімде Қазақстанның үздік теннисшісі Елена Рыбакина Австралия ашық чемпионатының финалына жеткеннен кейін 25-орыннан бірден 10-орынға шықты. Ол алғаш рет Қазақстанның спорт тарихында үздік ондыққа кірді.

Бұған дейін Қазақстан теннисшілерінен ешкім ондыққа кіріп көрген емес.

Жұптық сында Анна Данилина 24-орында тұр.

Қазақстандық теннисшілердің 30 қаңтардағы көрсеткіші мынадай:

10 (+15). Елена Рыбакина – 2815

44 (+3). Юлия Путинцева – 1114

449 (+34). Жібек Құламбаева – 102

506 (+79). Гөзал Айнитдинова – 82

543 (-73). Анна Данилина – 70

1182 (0). Аружан Сағындықова – 7

Дастан КЕНЖАЛИН,

АСТАНА